قازاقستان پرەزيدەنتى قاسىم-جومارت توقايەۆتىڭ جارلىعىمەن ارۋجان ساين بالا قۇقىقتارى جونىندەگى ۋاكىل قىزمەتىنە تاعايىندالدى دەپ حابارلايدى Qamshy.kz اقپارات اگەنتتىگى اقوردا. سايتىنا سىلتەمە جاساپ.
"مەملەكەت باسشىسىنىڭ وكىمىمەن ارۋجان ساين قازاقستان رەسپۋبليكاسىنداعى بالا قۇقىقتارى جونىندەگى ۋاكىل قىزمەتىنە تاعايىندالدى"، - دەلىنگەن جارلىق ماتىنىندە.
ال بۇعان دەيىن بۇل قىزمەتتى اتقارعان ساۋلە ايتپايەۆا پرەزيدەنتتىڭ وكىمىمەن قىزمەتىنەن بوساتىلدى.
ارۋجان ساين
ارۋجان ساين قىزىلوردا قالاسىندا دۇنيەگە كەلگەن. 1993 جىلى قازاق مەملەكەتتىك ۋنيۆەرسيتەتىنە (قازىرگى قازۇۋ) گەوگرافيا فاكۋلتەتى، ەكولوگيا جانە مونيتورينگ كافەدراسىنا وقۋعا تۇسكەن.
2006 جىلى "مەيىرىم" ەرىكتى قوعامى" قايىرىمدىلىق قورىن قۇرعان. قور بالالار مەن ءسابي ۇيلەرىنە، سونىمەن قاتار، ناۋقاس بالالارعا كومەك كورسەتەدى.
سونداي-اق، ارۋجان ساين قور اياسىندا اۋىر دەرتكە شالدىققان بالالاردىڭ ەمىنە اقشا جيناپ، بالا اسىراپ الۋ، ينكليۋزيا ماسەلەلەرىمەن اينالىسادى.
2012 جانە 2015 جىلدارى ارۋجان ساين "جىلدىڭ قوعام قايراتكەرى" نوميناسياسى بويىنشا "حالىق سۇيىكتىسى" ۇلتتىق جۇلدەسىنىڭ لاۋرەاتى اتاندى.
پىكىر قالدىرۋ