كيداپاۆان اتتى فيليپپيندىك قالاداعى بەينەباقىلاۋعا ءتۇسىپ قالعان قوس ءيتتىڭ ۋلى جىلاندى بالا جاتقان ۇيگە كىرگىزبەي تۇرعان ۆيدەوسى كوپتىڭ ىقىلاسىن اۋداردى دەپ جازادى Qamshy.kz اقپارات اگەنتتىگى.
كادردا كورىنگەندەي، موكسي ەسىمدى اق ءتۇستى يت جىلاندى كورە سالا تابانىمەن جانشي باستايدى. وعان قارا ءتۇستى مايلي ەسىمدى يت كومەككە كەلگەن. ەكەۋى ۋلى جىلانمەن ءبىراز ايقاسادى.
ون مينۋتتىق توبەلەس ناتيجەسىندە كوبرا قوس يتكە دە ۋىن شاشىپ ۇلگەرگەن. سونىڭ سالدارىنان مايلي ءولىپ قالادى. ال موكسي ءتىرى قالعانىمەن، كوزىنەن ايىرىلعان.
«ءبىز ايەلىم ەكەۋمىز جۇمىستا ەدىك. جۇمىستان كەلگەندە بالا قاراۋشى بولعان جايدى بايانداپ بەردى. ءبىز بەينەباقىلاۋدان جاعدايدى كورىپ، تاڭ قالدىق. مەن يتتەرىمنىڭ الدىندا قارىزدارمىن. ءبىز مايليدى ساعىناتىن بولامىز»، - دەيدى ءسابيدىڭ اكەسى.
پىكىر قالدىرۋ