تەرگەۋ كوميتەتى تاتارستان ازاماتى يديريس سادىكوۆتىڭ ارىزى بويىنشا قىلمىستىق ءىس قوزعاپ، تەرگەپ-تەكسەرۋ امالدارىن جۇرگىزۋدى باستاپ كەتتى دەپ جازادى Qamshy.kz اقپارات اگەنتتىگى.
جابىرلەنۋشىنىڭ ايتۋىنشا، رەسەيلىك اعايىندى پوليسيا قىزمەتكەرلەرى ونى كۇشتەپ الىپ كەتكەن. سودان كەيىن اكسۋبايەۆسكيي اۋدانىنا الىپ بارىپ، ءۇي شارۋاشىلىعىنا جۇمساعان. سادىكوۆ دارەتحانا تازالاۋدان باس تارتقان سوڭ ونىڭ قول-اياعىن بايلاپ تاستاعان.
يديريستىڭ اپكەسى باۋىرىنىڭ جوعالىپ كەتكەنىن بايقاعان سوڭ عانا پوليسياعا ارىز تۇسىرگەن. شاعىم تۇسكەن ۋاقىتتا اعايىندى پوليسيا قىزمەتكەرلەرى سادىكوۆتى قۇلدىقتان بوساتىپتى-مىس.
ەگەر اعايىندى شەندىلەردىڭ شەكتەن شىققان ارەكەتى دالەلدەنسە، رەسەي فەدەراسياسىنىڭ قك 126-بابىنا سايكەس 12 جىل باس بوستاندىعىنان ايىرىلماق.
پىكىر قالدىرۋ