قازاقستاننىڭ قۋات كوزى نارىعىنداعى مۇمكىندىگى وتە مول. تابيعي شيكىزات پەن مۇناي جانە ەلەكتر قۋاتىن ءوندىرۋ سوڭعى جىلدارى قارقىن الا باستادى. مۇنىڭ پايداسى بار. قارجى كوزىنىڭ بارلىعى قازاقستاننىڭ قازىناسىنا تۇسەدى.

سوڭعى كەزدە قازاقستان ەنەريا كوزدەرىن ءوندىرۋدىڭ جولىن تاپتى. ءتىپتى ونى كورشى ەلدىڭ نارىعىنا قاراي ەكسپورتتايتىن بولدى. اتاپ ايتار بولساق، ەلىمىزدىڭ قۋات كوزدەرىن كورشى ەلدىڭ نارىعىنا تاسىمالداۋ قارقىن الدى. شىلدە ايىنىڭ باسىنان باستاپ، قازاقستاننىڭ ەلەكتر ەنەرگياسى وزبەكستان نارىعىنا جەتكىزىلە باستادى. انىعىن ايتۋ كەرەك، بۇل وتە قۋانىشتى جاعداي. سونداي-اق بۇل ماسەلە ەكى ەلدىىڭ ەكونوميكاسىن دامىتۋعا قاتىستى الدىن الا جاسالىپ وتىرعان كەلىسىمگە سايكەس جۇزەگە اسىرىلىپ وتىر. ەكى تاراپتىڭ الدىن الا جاساعان كەلىسىمىنە بايلانىستى وزبەكستان نارىعىنا 1 ميلليارد كۆت/ساعاتتان استام ەلەكتر قۋاتى ەكسپورتتالادى. شىلدە ايىنان باستاپ، ءقازىردىڭ وزىندە 145 ميلليون كۆت/ ساع. وزبەك نارىعىنا جەتكىزىلگەن.

ارينە، مۇنىڭ بارلىعى ەكونوميكانىڭ دامۋى ءۇشىن ۇلكەن قاجەتتىلىك. انىعىن ايتۋ كەرەك، قازىرگى ۋاقىتتا ءبىزدىڭ رەسپۋبليكا نارىعىندا ەلەكتر قۋاتىنا نەمەسە ەنەرگيا كوزىن وندىرۋدە تاپشىلىق  سەزىلىپ وتىرعان جوق. سوندىقتان دا وسى مۇمكىندىكتى پايدالانىپ، قۋات كوزىن وندىرەتىن كاسىپورىندار پايدا تابۋى كەرەك. مۇنىڭ قاجەتتىلىگى دە بار. ويتكەنى قازاقستاننىڭ ەنەريا كوزىن وندىرەتىن ەلەكتر ستانسالارىن جاڭعىرتۋ قاجەت، كەيبىر ەلەكتر ستانسالارىن رەكونسترۋكسيالاۋ جۇمىستارى دا بار. سونىمەن قاتار، قىزمەت ساپاسىن ارتتىرۋ، نارىقتى كەڭەيتۋ تۇرعىسىندا اتقارىلىپ جاتقان بۇل شارالاردىڭ تيىمدىلىگى وتە ۇلكەن. دەمەك، ەلەكتر ەنەرگياسىن جەتكىزۋ نەمەسە ەكسپورتتاۋ تۇرعىسىنداعى بۇل قادام ەكى ەلدىڭ ىنتىماقتاستىعىن دامىتۋدا ۇلكەن ءرول اتقارادى دەپ سەنەمىز.