تۇركىستان وبلىسىنىڭ اكىمى ءومىرزاق شوكەيەۆتىڭ وكىمىمەن وبلىس اكىمىنىڭ ورىنباسارى بولىپ ساكەن امانگەلدى ۇلى قالقامانوۆ تاعايىندالدى. 

ساكەن امانگەلدى ۇلى قالقامانوۆ 1980 جىلى 30 قاڭتاردا پاۆلودار قالاسىندا دۇنيەگە كەلگەن.

ءبىلىمى - جوعارى. 2002 جىلى ل.ن.گۋميليەۆ اتىنداعى ەۋرازيا ۋنيۆەرسيتەتىنىڭ «شەتەل ءتىلىن بىلەتىن جۋرناليست» ماماندىعى بويىنشا بىتىرگەن.
ەڭبەك جولىن 1999 جىلى «قازاقستاننىڭ تەلەارنا جانە راديوسى» رەسپۋبليكالىق كورپوراسياسىندا باستاعان. 
2000 جىلداردان باستاپ قازاقستاننىڭ تەلەارنا جانە راديوسى» رەسپۋبليكالىق كورپوراسياسىندا ءتۇرلى لاۋازىمداردا ىستەگەن.
2002 جىلى «استانا» تەلەارناسىندا قىزمەت اتقارىپ، 2005 جىلدان باستاپ «قازمۇنايگاز» ءبارلاۋ-وندىرۋ اق اقپارات-تالداۋ ورتالىعىنىڭ باسپا ءسوز قىزمەتىندە؛ 
2008 جىلدان باستاپ «قازاگرو ۇلتتىق باسقارۋشى حولدينگى» اق باسپا ءسوز قىزمەتىنىڭ باسپا ءسوز حاتشىسى؛ 
2011 جىلدان ق ر اۋىل شارۋاشىلىعى مينيسترلىگىنىڭ قوعاممەن بايلانىس باسقارماسىنىڭ باسشىسى؛ 
2016 جىلدان 2018 جىلعا دەيىن ءتۇرلى جەكە كومپانيالاردا جانە «كازاگروماركەتينگ» ءجشس-نىڭ باسقارما ءتوراعاسىنىڭ ورىنباسارى، باسقارما مۇشەسى بولعان.
2019 جىلدان باستاپ، تۇركىستان وبلىسى اكىمىنىڭ كەڭەسشىسى قىزمەتىن اتقاردى. 
2015 جىلى "ەرەن ەڭبەگى ءۇشىن" مەدالىمەن ماراپاتتالعان.
ەندى ساكەن امانگەلدى ۇلى  تۇركىستان وبلىسى اكىمىنىڭ ورىنباسارى رەتىندە يدەولوگيا، ءبىلىم جانە مادەنيەت سالاسىنا جاۋاپتى بولادى.