تۇرىكمەنستاندا ماقتا جيناۋ ناۋقانى باستالدى. وسىدان بىرنەشە اپتا بۇرىن باستالعان ماقتا تەرىمىنەن قاتىستى تۇرىكمەنستاننىڭ ۇكىمەتى جيىن وتكىزىپ، حوكيمدەرگە تالاپ قويدى. باستى ماقسات – تەزىرەك كۇزگى جاۋىنعا قالدىرماي اق التىندى جيناپ الۋ كەرەك. ءبىراق...
باسقا ولكەلەرگە قاراعاندا، پرەزيدەنت گۋربانگۋلى بەردىمۇحامەدوۆتىڭ بالاسى باسقاراتىن ولكەدە ماقتا تەرىمى ءبىرىنشى ءبىتۋى ءتيىس. ايتا كەتسەك، تۇرىكمەن پرەزيدەنتىنىڭ بالاسى سەردار بەردىمۇحامەدوۆ اشحابادقا جاقىن جەردەگى احال ۋالاياتىندا حوكيم بولىپ قىزمەت ىستەيدى.
تۇرىكمەننىڭ اۋىل شارۋاشىلىعى ءمينيسترى ماگتىمگۋلى بايرامدۋردىيەۆ ماقتا ناۋقانىن بىتىرگەننەن كەيىن استىق جيناۋدى جەدەل ءبىتىرۋ كەرەكتىگىن ايتتى. الايدا ەڭ ءبىرىنشى پرەزيدەنتتىڭ بالاسى باسشىلىق ەتەتىن وڭىردە ماقتا تەزىرەك جينالىپ ءبىتۋى ءتيىس. سوندىقتان ءار ايماق وتباسىنان ءبىر ادامنان احال ۋالاياتىنىڭ ەگىستىك القابىنا ءبىر ادامنان جىبەرۋى ءتيىس. ەگەر اتالعان ۋالاياتتا ماقتا ناۋقانىنىڭ مەرزىمى سوزىلىپ كەتسە، باسقا ايماقتاردان قوسىمشا كۇش اكەلىنەدى. ويتكەن ول پرەزيدەنتتىڭ بالاسى عوي، ال وعان ءسوز كەلمەۋى ءتيىس.
مىنە بەردىمۇحامەدوۆ باسقاراتىن ديكتاتورلىق ەلدە وسىنداي جۇمىستار جۇيەلى تۇردە جۇرگىزىلەدى. ءبىراق وعان ەشكىم ءمان بەرمەيدى. توبىر حالىقتى بيلەگەن ديكتاتور ءقازىر تۇرىكمەنستاندا بىلگەنىن ىستەپ وتىر. شەتەلدە وقىپ جۇرگەن ستۋدەنتتەر ەلگە كەلگەن ساتتە ولاردى اۋەجايدان ۇستاپ الىپ، ءبارىن اسكەرگە جىبەرىپ جاتىر.
تۇرىكمەنستاندا ءبىر-اق ادامنىڭ بيلىگى جۇرەدى. قالعانى – شولاقبەلسەندىلەر...توبىر حالىققا وبىر - باستىق...
پىكىر قالدىرۋ