قازاقستان رەسپۋبليكاسى پرەزيدەنتىنىڭ باسپا ءسوز حاتشىسى بەرىك ءۋالي جاڭا قىزمەتكە سايلاندى دەپ حابارلايدى Qamshy.kz اقپارات اگەنتتىگى  ptrk.kz سايتىنا سىلتەمە جاساپ.

پرەزيدەنت باسپا ءسوز حاتشىسى بەرىك ءۋالي «ق ر پرەزيدەنتىنىڭ تەلەراديوكەشەنى» كەاق ديرەكتورلار كەڭەسىنىڭ ءتوراعاسى بولىپ سايلاندى. 

بەرىك ءۋالي 1977 جىلى تۋعان. جۇرگەنوۆ اتىنداعى قازاق مەملەكەتتىك تەاتر جانە كينو ينستيتۋتىن «كينوتانۋشى» ماماندىعى بويىنشا، سونداي-اق، ءال-فارابي اتىنداعى قازاق ۇلتتىق ۋنيۆەرسيتەتىنىڭ «جۋرناليستيكا» ماماندىعى بويىنشا ماگيستراتۋراسىن جانە قازاق گۋمانيتارلىق-زاڭ يننوۆاسيالىق ۋنيۆەرسيتەتىن «قۇقىقتانۋ» ماماندىعى بويىنشا بىتىرگەن.

ەڭبەك جولىن «تاڭ» تەلەكومپانياسى اقپاراتتىق باعدارلاماسىنىڭ كوررەسپوندەنتى بولىپ باستاعان، «نتك» تەلەارناسىنىڭ شىعارۋشى رەداكتورى، «31-ارنادا» جاۋاپتى جانە باس رەداكتور، «حابار» اگەنتتىگىنىڭ اقپاراتتىق باعدارلامالارىنىڭ رەداكتورى-جەتەكشى، Qazaqstan تەلەارناسىنىڭ «1-ستۋديا» توك-شوۋىنىڭ جۇرگىزۋشىسى، «نۇر مەديا»سىبايلاس جەمقورلىققا قارسى مەديا ورتالىعىنىڭ باسشىسى بولىپ جۇمىس ىستەدى. باسپا ءسوز قىزمەتىنىڭ باسشىسى، وڭتۇستىك قازاقستان وبلىسى اكىمى اپپاراتى باسشىسىنىڭ ورىنباسارى، وڭتۇستىك قازاقستان وبلىسى ىشكى ساياسات جانە ءدىن ىستەرى باسقارماسىنىڭ باسشىسى، «نۇر وتان» پارتياسى ءتوراعاسىنىڭ ءبىرىنشى ورىنباسارىنىڭ كەڭەسشىسى، «نۇر مەديا» ج ش س باقىلاۋ كەڭەسىنىڭ ءتوراعاسى، ءمينيستردىڭ كەڭەسشىسى، ق ر ينۆەستيسيالار جانە دامۋ مينيسترلىگى اقپاراتتىق قامتاماسىز ەتۋ دەپارتامەنتىنىڭ ديرەكتورى، جامبىل وبلىسى ىشكى ساياسات باسقارماسىنىڭ باسشىسى قىزمەتتەرىن اتقارعان. 2019 جىلعى ناۋرىزدا مەملەكەت باسشىسىنىڭ وكىمىمەن قازاقستان رەسپۋبليكاسى پرەزيدەنتىنىڭ باسپا ءسوز حاتشىسى بولىپ تاعايىندالدى. «دارىن» مەملەكەتتىك جاستار سىيلىعىنىڭ لاۋرەاتى.