تانىمال ءانشى نۇرجان كەرمەنبايەۆ ءوزىنىڭ Instagram پاراقشاسى ارقىلى وقىرمانداردان وتباسىنا ءتىل تيگىزبەۋلەرىن سۇرادى دەپ جازادى Qamshy.kz اقپارات اگەنتتىگى.
"سۋىت حاباردى ەستىپ جاتىرمىز. يماندى بولعاي. ارتىق اڭگىمە ايتىپ، وتباسىما ءتىل تيگىزبەۋلەرىڭىزدى سۇرايمىن.
كەزىندە "ارناۋ" دۋەتىنىڭ ەكس-سوليستى بولعاندىقتان دا ماعان كوپتەگەن سمس، حاتتار جولدانۋدا. سوندىقتان قوعامنىڭ الدىندا ءوز ويىمدى جازۋدى ءجون كوردىم. "نۇرجان سەن اقشا قارىزسىڭ قايتار" دەپ سايراڭداپ جۇرگەندەرگە ايتارىم: بوس ءسوز سويلەپ، ءوز باستارىڭىزعا كۇنا جيناماي-اق قويىڭىزدار. سەبەبى جانار ەكەۋىمىزدىڭ ورتاق دوستارىمىز بار. سول كىسىلەر ارقىلى جانار مەنەن كەشىرىم سۇراعان. مەن نۇرجانعا جالا جاپتىم، كەشىرىم سۇراشى مەنىڭ اتىمنان دەگەن ەدى. قازىرگى تاڭدا مودا بولىپ كەتكەن حايپ ءۇشىن ايتقانىن جەتكىزدى. سول ورتاق دوستارىمىز كۋا. مەنىڭ جانارعا رەنىشىم جوق. سوندىقتان كەشىرۋدىڭ دە ورنى جوق دەگەن بولاتىنمىن. بوس سوزگە اۋرە بولعانشا ءوز ءومىرىمىزدىڭ دە سوڭى بار ەكەنىن ۇمىتپايىق. بىر-بىرىمىزگە جالا جاۋىپ، عايبات ايتىپ،كۇنا جيناعانشا، ءوز ءومىرىمىزدىڭ دە ءدام-تۇزى تاۋسىلاتىنىن ۇمىتپايىق اعايىن. شاكارىمنىڭ سوزدەرى وسى كەزدە ورىندى بولار:
بىرەۋدىڭ ءمىنىن تەرگەنشە،
جاماندىعىن كورگەنشە،
ءوز ويىڭدى مازالاپ،
ءوز بويىڭدى تازالاپ،
وزىڭمەن كۇرەس ولگەنشە...
جاناردىڭ وتباسىنا،اعايىن-تۋىس،باۋىرلارىنا قايعىرىپ كوڭىل ايتامىز. جاتاتىن جەرى جايلى،توپىراعى تورقا بولعاي"، - دەپ جازدى نۇرجان كەرمەنبايەۆ.
پىكىر قالدىرۋ