ق.قۋانىشبايەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىنىڭ كوركەمدىك جەتەكشىسى تالعات تەمەنوۆ ەلوردادا عيماراتى بويى كوتەرىپ جاتقان قازاق تەاترىنا «ۇلتتىق» اتاعىن بەرۋدى سۇرادى، دەپ حابارلايدى Qamshy.kz اقپارات اگەنتتىگى قازاقپاراتتىڭ دەرەگىن نەگىزگە الىپ.
«ەۋروپا ەلدەرىندەگى تەاترلاردىڭ بارلىعى - ۇلتتىق. بىزدە قازاقستاندا ۇلتتىق تەاتر جوق. ەگەر وسىنى قازاق ۇلتتىق دراما تەاترى دەسەك، كەرەمەت بولار ەدى. سوندا ءبىز باسقا مەملەكەتتەر سەكىلدى ۇلتتىق تەاتر بولامىز»، - دەدى تالعات تەمەنوۆ
پرەزيدەنتتىڭ كومەكشىسى ماۋلەن اشىمبايەۆپەن بىرگە تەاتردىڭ جاڭا عيماراتىنىڭ قۇرىلىس بارىسىمەن تانىسۋ كەزىندە. ول سونداي-اق الداعى شتاتتىڭ كەڭەيۋىنە بايلانىستى پاركينگ قاراستىرۋدى، ءبىر سپەكتاكلگە بولىنەتىن قاراجات سوماسىن كوبەيتۋ ماسەلەلەرىن قوزعادى. تەاتر ۇجىمىنىڭ ءسوزىن تىڭداعان پرەزيدەنتتىڭ كومەكشىسى ماۋلەن اشىمبايەۆ وسى وتىنىشتەردىڭ ءبارىن دە توپتاپ، ۇسىنىس رەتىندە تاپسىرۋدى سۇرادى.
ەسكە سالا كەتسەك، بۇگىن پرەزيدەنتتىڭ كومەكشىسى ماۋلەن اشىمبايەۆ نۇر-سۇلتاندا سالىنىپ جاتقان قازاق دراما تەاترى عيماراتىنىڭ قۇرىلىسىمەن تانىسقان بولاتىن. «كەلەسى جىلى 6 شىلدەدە تەاتر ۇجىمى ءوزىنىڭ قونىس تويىن تويلايدى دەپ سەنەمىز»، - دەدى ماۋلەن اشىمبايەۆ.
پىكىر قالدىرۋ