بۇل جونىندە وڭىرلىك كوممۋنيكاسيالار قىزمەتى الاڭىندا وتكەن بريفينگتە ماڭعىستاۋ اۋدانىنىڭ اكىمى تىلەك جەتكىزگەن ۇلى كوشماعانبەتوۆ مالىمدەدى.

-«اۋدان حالقىنىڭ سانى جىلدان - جىلعا ارتىپ كەلەدى. 1ء-شى تامىزداعى ەسەپ بويىنشا تۇرعىندار سانى 39،6 مىڭعا جەتتى. اۋدان ەكونوميكاسى اۋىل شارۋاشىلىعىنا باعىتتالعان. نەگىزىنەن مال شارۋاشىلىعى، اسىرەسە  ەت-سۇت ءونىمى، قوي شارۋاشىلىعى جاقسى دامىعان.  ءىرى قارا مال، تۇيە، جىلقى دا كوپ وسىرىلەدى. جالپى وبلىستاعى مال سانىنىڭ جارتىسىنا جۋىعى ماڭعىستاۋ اۋدانىنىڭ ەنشىسىندە. اۋىلشارۋاشىلىق ونىمدەرىنىڭ جالپى كولەمى 2019 جىلدىڭ قاڭتار-تامىز ايلارىنا  3،460 ملرد. تەڭگەنى قۇرادى»،-دەدى اۋدان اكىمى بريفينگ بارىسىندا.

جالپى ماڭعىستاۋ اۋدانىندا  425 شارۋا قوجالىعى، 10 ۇيىمداسقان شارۋاشىلىق، 2 اۋىل شارۋاشىلىعى كووپەراتيۆى قىزمەت ەتەدى. ونىڭ ىشىندە 389 شارۋا قوجالىعى مال شارۋاشىلىعىمەن، 36 شارۋا قوجالىعى ەگىن شارۋاشىلىعىمەن  اينالىسادى.

      ءىرى سوياۋلى مال ازىعىن دايىندايتىن 24 بريگادا بۇگىنگە دەيىن 20548 توننا ءشوپ دايىنداعان.  جىل باسىنان بەرى 6900 توننا مال ازىقتىق جەم اكەلىندى.

 وسى  جىلى 30 شارۋا قوجالىعى 171،5 گا جەرگە كوكونىس، باقشا داقىلدارىن ەكسە، ونىڭ ىشىندە 142 گا جەرگە تامشىلاتا سۋارۋ قوندىرعىسىن پايدالانۋدا.

اۋدان بويىنشا ونەركاسىپ ونىمدەرىنىڭ اۋقىمى 2019 جىلدىڭ قاڭتار-تامىز ايلارىندا 376،8 ملرد. تەنگەنى قۇرادى، ونەركاسىپ ونىمدەرىنىڭ ناقتى اۋقىمى – 98،2%-دى كورسەتىپ وتىر.

 نەگىزگى كاپيتالعا سالىناتىن ينۆەستيسيا كولەمى 32،7 ملرد.تەنگەنى قۇرادى نەمەسە 2018 جىلمەن سالىستىرعاندا 105،3 %-عا ءوستى (01.09.2018 جىلى – 29 889،4 ملن.تگ.).