بۇل جونىندە وڭىرلىك كوممۋنيكاسيالار قىزمەتى الاڭىندا وتكەن بريفينگتە وندى اۋىلىنىڭ اكىمى ب.بالاپان مالىمدەدى.

-ءابىش كەكىلباي ۇلىنىڭ تۋعان جەرى وندى اۋىلىندا جاسالىنىپ جاتقان قۇرىلىس جۇمىستارىنا توقتالسام، وندى اۋىلىنا كىرە بەرىستەگى 8 شاقىرىم جولعا «مكدسم» جاۋاپكەرشىلىگى شەكتەۋلى سەرىكتەستىگى جوندەۋ جۇمىستارىن جۇرگىزىپ جاتىر. ءا.كەكىلباي ۇلى اتىنداعى ورتا مەكتەپكە «نۇرلى جول» جاۋاپكەرشىلىگى شەكتەۋلى سەرىكتەستىگى  جوندەۋ جۇمىستارىن جۇرگىزۋدە. جىلۋ قازاندىقتارى اۋىستىرىلدى، اۆتوتۇراق ورناتىلدى،  برۋچاتكا توسەلىپ، جۇمىستارى اياقتالدى. «اي-انا» مەموريالدى كەشەنىن اعىمداعى جوندەۋ جۇمىسىن «قازاق سوقىرلار قوعامىنىڭ اقتاۋ ءوقۋ-وندىرىس كاسىپورنى» جاۋاپكەرشىلىگى شەكتەۋلى سەرىكتەستىگى  جەڭىپ الدى. جوندەۋ  جۇمىستارى اياقتالدى.  «قۇلىنشاق» بالا باقشاسىنىڭ جوندەۋ جۇمىستارى  اياقتالدى.  ءا.كەكىلباي ۇلى اتىنداعى پاركتى جوندەۋ جۇمىستارى بويىنشا 500 ش.م جەرگە برۋچاتكا توسەلىپ، سۋ قۇبىرى تارتىلىپ، قورشاۋى اۋىستىرىلادى. ورتالىق پاركتى سۋلاندىرۋ، اعىمداعى جوندەۋ، اباتتاندىرۋ، پارك ىشىندەگى وبەليسكىنى جوندەۋ جۇمىستارى ءجۇردى، تۇربالار  تارتىلىپ، 500 ش.م جەرگە برۋچاتكا توسەلىپ، اعاشتارى بۇتاقتالىپ، جاڭادان قاقپا ورناتىلدى، دەدى ول.

  اشىق سپورت الاڭىنا «نۇرلى جول» جاۋاپكەرشىلىگى شەكتەۋلى سەرىكتەستىگى جوندەۋ جۇمىستارىن جۇرگىزىپ جاتىر. «قىزىل تام» بۇلاعى باسىن اباتتاندىرۋ جۇمىستارىنا  6،3 ملن. تەڭگە ءبولىنىپ، بۇلاقتار  باسى تابيعي تاسپەن ءورىلىپ، قورشاۋى سالىنىپ، برۋچاتكا توسەۋ، جارىق تارتۋ  جۇمىستارىن جۇرگىزدى.

وندى مەشىتى قۇرىلىسى اياقتالۋعا جاقىن. ىشكى جۇمىستارى، ەسىك، تەرەزەسى سالىنىپ، سىرتقا برۋچاتكا توسەۋ، شارباق قالاۋ جۇمىستارى ءجۇرىپ جاتىر. 

 اكىمشىلىك عيماراتىن اعىمداعى جوندەۋ  جۇمىستارىن «اقداۋلەت» جاۋاپكەرشىلىگى شەكتەۋلى سەرىكتەستىگى  جاساپ شىقتى.   وندى اۋىلىنا كىرە بەرىستەگى كوشە بەتىندەگى 50 تۇرعىن ءۇي مەن 8 ساۋدا نۇكتەلەرى يەلەرىمەن كەزدەسىپ، تۇرعىن ۇيلەر مەن ساۋدا نىساندارىنىڭ  سىرتىن، شارباقتارىن ارلەۋ  جۇمىستارىن جۇرگىزۋ تۋرالى تۇسىندىرمە جۇمىستارى جۇرگىزىلدى. قازىرگى كەزدە 40 تۇرعىن ءۇي، 6 كاسىپكەرلىك نىسان ارلەۋ جۇمىستارىن جۇرگىزدى.

وندى مەكتەبىنە ءابىش كەكىلباي ۇلىنىڭ اتى بەرىلگەلى مەكتەپتە رەسپۋبليكالىق ءابىش وقۋلارى بايقاۋى ەكى رەت وتكىزىلگەن. بايقاۋعا 14 وبلىستان قاتىسۋشىلار كەلدى. سونداي-اق زاڭعار جازۋشىنىڭ اتىنداعى مەكتەپتىڭ الدىنا كەمەڭگەر تۇلعانىڭ كەۋدە ءمۇسىنى قويىلاتىن بولادى. بيىكتىگى 3 مەتر ءبيۋستتىڭ ءمۇسىنى تاستان قاشالىپ، ال تۇعىرى گرانيتتەن جاسالۋدا.

 اۋىلداعى جوندەۋ جۇرگىزىلىپ، قۇرىلىسى سالىنىپ جاتقان نىسانداردى رەسپۋبليكالىق دارەجەدەگى قوناقتاردىڭ قاتىسۋىمەن اشۋدى جوسپارلاپ وتىرمىز. كيىز ۇيلەر قالاشىعىن اۋدان ورتالىعىنان تىگۋدى، ۇلتتىق سپورت تۇرلەرىنەن جارىستار وتكىزىپ، ءابىش اعامىز بەن فاريزا اپامىزدىڭ شىعارماشىلىعىنا ارنالعان ءارى «رۋحاني جاڭعىرۋ» باعدارلاماسى اياسىندا رەسپۋبليكالىق دەڭگەيدەگى «ءسوز بەن ساز» باعدارلاماسىن ۇيىمداستىرۋ جوسپاردا بار.  ماڭعىستاۋ اۋدانىنىڭ ورتالىعى شەتپە سەلوسىندا 30-عا جۋىق ءۇي تىگىلىپ، مەرەكەلىك اسقا ءبىر مەزگىلدە 2000 ادام قاتىسادى دەگەن جوسپار بار.

بۇدان بولەك كوپتەگەن شارالار وسى مەرەيتوي اياسىندا وبلىس، اۋدان ورتالىعىندا وتكىزىلەتىن  بولادى.