بۇل تۋرالى وڭىرلىك كوممۋنيكاسيالار قىزمەتى الاڭىندا وتكەن بريفينگتە ماڭعىستاۋ وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى ءلاززات ەسەنعالييەۆا مالىمدەدى

      بۇكىل الەمدە يممۋندىق-پروفيلاكتيكا ينفەكسيالارعا قارسى كۇرەسۋدە ەڭ ءتيىمدى، ۇنەمدى جانە قولجەتىمدى بولىپ تانىلعان. قازاقستان رەسپۋبليكاسىندا 19 ينفەكسيالىق اۋرۋعا قارسى ۆاكسيناسيالاۋ تەگىن جۇرگىزىلەدى.  بالالاردى يممۋنداۋ ءۇشىن دۇنيەجۇزىلىك دەنساۋلىق ساقتاۋ ۇيىمى ساپالى ۆاكسينالار ساتىپ الىنادى.

            وبلىستا  وتكەن  2018 جىلى    20088 بالا ءتىرى تۋىلىپ، ونىڭ  19147 (95،3%) بالاسىنا بسج ەكپەسى پەرزەنتحانالاردا جۇرگىزىلدى.  ال 2019 جىلدىڭ 8 ايىندا 13421 بالا ءتىرى تۋىلىپ، 12655 بالاعا بسج ەكپەسى جۇرگىزىلدى (93،6%).

تۋبەركۋلەزگە قارسى ۆاكسيناسيالاۋ بالالاردىڭ اراسىندا تۋبەركۋلەز مەنينگيتى جانە ديسسەميرلەنگەن تۋبەركۋلەز سياقتى تۋبەركۋلەزدىڭ اۋىر جاعدايلارىنىڭ دامۋىنا جول بەرمەۋگە مۇمكىندىك بەردى. 2019 جىلدىڭ سوڭعى 8 ايىنىڭ قورىتىندىسى بويىنشا اسا ءقاۋىپتى جانە باسقا دا  كارانتيندىك  ينفەكسيالار تىركەلمەگەن.

سوڭعى 10 جىلدا تۋبەركۋلەز اۋرۋىنىڭ  كورسەتكىشى وبلىس دەڭگەيىندە بۇگىنگى كۇنمەن سالىستىرعاندا 75،4% (381 جاعدايعا)، ونىڭ  ىشىندە  جاسوسپىرىمدەر  اراسىندا 78،4%  (46 جاعدايعا)،  بالالار اراسىندا 89،0% (44 جاعدايعا) تومەندەپ وتىر. 

بۇل دەرەكتەر بالالاردى ۆاكسيناسيالاۋدى قوسا العاندا تۋبەركۋلەز بويىنشا ەپيدەميولوگيالىق جاعدايدى تۇراقتاندىرۋ بويىنشا جۇرگىزىلىپ وتىرعان شارالاردىڭ تيىمدىلىگىن راستايدى.

ءبىراق، «Japan BCG Laboratory» (جاپونيا) ءوندىرۋشى-زاۋىتى (بسج) تۋبەركۋلەزگە قارسى ۆاكسينانى 35 ەلدەن كەرى قايتارىپ الۋىنا بايلانىستى قازاقستاندا تۋبەركۋلەزگە قارسى ۆاكسيناسيالاۋ قازىرگى ۋاقىتتا ۋاقىتشا توقتاتا تۇرىلدى.