سانيتاريالىق – پروفيلاكتيكالىق ءىس – شارالاردىڭ جوسپارلى جۇرگىزىلۋىنە بايلانىستى، جەكەلەنگەن اۋرۋلاردىڭ تومەندەۋى بايقالادى.
ءجىتى ىشەك ينفەكسيالارىنىڭ توبى – 1،7 ەسەگە،
سالمونەللەز - 7،8 ەسەگە،
باكتەريالدى ديزەنتەريا – 3،4 ەسەگە،
روتاۆيرۋس ينفەكسياسى – 38،1 ەسەگە،
تاعام توكسيكو ينفەكسياسى –15،7 جاعدايعا،
ءجىتى ۆيرۋستى گەپاتيتتەر – 8 جاعدايعا،
ونىڭ ىشىندە «ا» ۆيرۋستى گەپاتيت – 4 جاعدايعا،
«ۆ» ۆيرۋستى گەپاتيت – 2 جاعدايعا،
«س» ۆيرۋستى گەپاتيت – 2 جاعدايعا،
سوزىلمالى ۆيرۋستى گەپاتيتتەر - 3 جاعدايعا،
ەحيناكوككوز – 9 جاعدايعا،
جرۆي - 6،2 %،
سيفيليس - 27،5%،
برۋسەللەز – 1 جاعدايعا
دەگەنمەن، وبلىس كولەمىندە كەيبىر اۋرۋلاردىڭ اۋرۋشاڭدىق دەڭگەيىنىڭ وسكەندىگى بايقالادى.
- كوكجوتەل – 3 جاعدايعا،
- قىزىلشا - 992 جاعدايعا،
- تۇماۋ – 10 جاعدايعا،
- برۋسەللەز – 1 جاعدايعا،
- تۋبەركۋلەز – 4 جاعدايعا،
- پەديكۋلەز - 1،5 ەسەگە.
2019 جىلدىڭ 8 ايىندا وبلىس ايماعىندا 1445 قىزىلشا اۋرۋىنا كۇدىكتى جاعداي تىركەلىپ، ونىڭ ىشىندە 992 جاعدايىندا دياگنوزى دالەلدەندى. دالەلدەنگەن 992 جاعدايدىڭ 745ء-ى زەرتحانالىق جانە 247 جاعدايى كلينيكالىق تۇردە ناقتىلاندى.
اۋرۋ كورسەتكىشى ورتا رەسپۋبليكالىق كورسەتكىشپەن سالىستىرعاندا 2،6 ەسەگە جوعارى.
جاستارى بويىنشا تالداۋ جاساعاندا، اۋىرعانداردىڭ 611ء-ى (61،6 %) 14 جاسقا دەيىنگى بالالاردىڭ ۇلەسىنە تيەسىلى بولسا، 381ء-ى (38،4%) ەرەسەكتەردى قۇرادى. كونتينگەنت بويىنشا تالداۋ جاساعاندا اۋىرعانداردىڭ اراسىنان ەڭ جوعارعى ۇلەسى ۇيىمداسپاعان توپتاردان – 447 جاعداي (45،0 %)، جۇمىسسىزدار – 114 جاعداي (14،8 %) تىركەلدى.
قىزىلشا اۋرۋىنىڭ تىركەلۋى رەسپۋبليكانىڭ بارلىق ايماقتارىندا جالعاسۋدا، سونىڭ سالدارىنان قوسىمشا يممۋنداۋ وتكىزۋدىڭ قاجەتتىلىگى تۋىنداپ وتىر.
وبلىس ايماعىندا اعىمداعى جىلدىڭ 1 ساۋىرىنەن باستاپ جەلتوقسان ايىنا دەيىن 9 – 10 اي 29 كۇن ارالىعىنداعى بالالاردى قىزىلشاعا قارسى قوسىمشا يممۋنداۋ جۇمىستارى جۇرگىزىلۋدە.
ەگىلەتىن بالالاردىڭ جوسپارى جاساقتالىپ، بارلىعى - 15 090 قۇرادى.
ءساۋىر – تامىز ايلارى ارالىعىندا - 9475 بالا جوسپارلانىپ، ونىڭ ىشىندە ەكپەمەن قامتىلعانى - 7918 (83،6%) قۇرادى.
2019 جىلدىڭ 16 قىركۇيەگىنەن باستاپ 20 جاستان 29 جاسقا دەيىنگى (قوسا العاندا) ادامدارعا قىزىلشاعا جانە قىزامىققا قارسى قوسىمشا يممۋنداۋ جۇمىسى باستالدى.
ەگىلۋگە ارنايى كونتينگەنتتەردى (قازاقستان رەسپۋبليكاسى قورعانىس مينيسترلىگىنىڭ، قازاقستان رەسپۋبليكاسى ىشكى ىستەر مينيسترلىگىنىڭ، قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ اسكەري قىزمەتشىلەرى مەن جەكە قۇرامى، سوتتالعاندار مەن تەرگەۋمەن قاماۋعا الىنعاندار) قوسا العاندا، 20-29 جاس ارالىعىنداعى (20 جاستان باستاپ 29 جاس 11 اي 29 كۇنگە دەيىنگى) بارلىق ادامدار، ەگۋ مارتەبەسىنە قاراماستان بولاتىن جەرى بويىنشا ۆاحتالىق ادىسپەن ەڭبەك قىزمەتىن جۇزەگە اسىراتىن ادامدار جاتادى. وبلىسقا 73 600 دوزا كولەمىندە قىزىلشاعا جانە قىزامىققا قارسى ۆاكسينا ءبولىندى.
جوسپارلانعان كونتينگەنت سانى – 65 610 ادام.
وبلىس ايماعىندا 16-19.09.2019ج. ارالىعىندا بارلىعى 1447 ادام قىزىلشاعا جانە قىزامىققا قارسى ەكپەمەن قامتىلدى. ەگىلگەندەر اراسىنان ۆاكسينادان كەيىنگى رەاكسيالار جانە اسقىنۋلار تىركەلگەن جوق.
ۆاكسيناسيا وبلىستاعى مەديسينا مەكەمەلەرىنىڭ 65 ەگۋ كابينەتىندە جۇرگىزىلەدى. يممۋنداۋ جۇمىسى بىلىكتىلىگى قايتا قارالعان 410 مەديسينا قىزمەتكەرلەرىمەن، ونىڭ ىشىندە 103 ۆاكسيناتورمەن ۇيىمداستىرىلادى.
قىزىلشا مەن قىزامىققا قارسى پروفيلاكتيكالىق ەگۋلەرگە تۇراقتى مەديسينالىق قارسى كورسەتىلىمدەرى بار، 2018-2019 جىلدارى قىزىلشاعا جانە قىزامىققا قارسى ەگىلگەندىگى تۋرالى قۇجاتتامالىق راستاۋى بار ادامدار، جۇكتى ايەلدەر مەن لاكتاسيا كەزەڭىندە ايەلدەر يممۋنداۋعا جاتپايدى.
قىزىلشا - ۆيرۋسپەن شاقىرىلاتىن جەدەل جۇقپالى اۋرۋ. قىزىلشانىڭ بەلگىلەرى - دەنە تەمپەراتۋراسىنىڭ جوعارىلاۋى، باس اۋرۋ، دەنەدە بورتپەلەردىڭ پايدا بولۋى جانە جوتەل قوسىلۋى مۇمكىن.
قىزىلشا اۋرۋىمەن اۋىرعان ناۋقاسپەن قارىم – قاتىناستا بولعان ەكپەسى جوق ادامنىڭ بارلىعى اۋىرادى.
اۋرۋ مىنا اسقىنۋلارمەن ءقاۋىپتى: سوقىرلىق، وتيت، پنيەۆمونيا، ەنسەفاليت، اۋرۋدىڭ اۋىر اعىمى كەزىندە ناۋقاس ءولىپ كەتۋى دە مۇمكىن. قىزىلشامەن اۋىرعان 500 ادامنىڭ 1 ءولىم جاعدايىنا ۇشىرايدى.
قىزىلشا ۆيرۋسى ناۋقاستان ساۋ ادامعا سويلەسۋ، جوتەلۋ، تۇشكىرۋ، تىكەلەي جانە جاناما قارىم – قاتىناستا بولعاندا جۇتقىنشاق نەمەسە مۇرىن بولىندىلەرى ارقىلى جانە جۇقتىرىلعان بولمەدەن شىققان سوڭ دا بەرىلەدى.
قىزىلشامەن اۋىرعان ناۋقاس بورتپە شىققانعا دەيىنگى 4 كۇن مەن بورتپە شىققاننان كەيىنگى 4 كۇن قورشاعان ورتاعا ءقاۋىپتى. اۋرۋ جۇقتىرعاننان كەيىن 7-18 كۇن ارالىعىندا داميدى.
قىزىلشانى تەك قىزىلشاعا قارسى ەگىلۋدىڭ كومەگى ارقىلى بولدىرماۋعا بولادى.
ۇلتتىق ەگۋ كۇنتىزبەسىنە سايكەس قىزىلشاعا قارسى ەگۋ جۇمىستارى 1 جاستا، 6 جاستا جوسپارلى تۇردە جۇرگىزىلەدى.
قىزىلشا اۋرۋى بويىنشا ەپيدەميولوگيالىق احۋال كۇردەلەنگەن كەزدە جانە بۇرق ەتۋ جاعدايى ورىن العاندا قىزىلشاعا قارسى قوسىمشا يممۋنداۋ جۇرگىزۋگە جول بەرىلەدى.
جەدەل رەسپيراتورلى ۆيرۋستى ينفەكسيا (بۇدان ءارى – جرۆي) جانە تۇماۋدىڭ ەپيدەميولوگيالىق ماۋسىمى 1ء-شى قازاننان باستالادى.
بيىلعى جىلى قىركۇيەك ايىندا تۇماۋ اۋرۋىنا قارسى ۆاكسيناعا جەرگىلىكتى بيۋدجەتتەن – 39 ملن. 015 مىڭ 900 تەڭگە قاراجات ءبولىنىپ، 45 000 دوزا كولەمىندە «گريپپول پليۋس» ۆاكسيناسى (ءوندىرۋشى ەلى – رەسەي) الىندى.
تۇماۋعا قارسى ۆاكسينامەن بارلىق وبلىس تۇرعىندارىنىڭ 10،0 %-ىن ەگۋمەن قامتۋ جوسپارلانىپ وتىر.
سونىمەن قاتار، وبلىس ايماعىندا جىل سايىن ءوندىرىس ورىندارىنداعى جۇمىس بەرۋشىلەر ەسەبىنەن جۇمىسشىلاردى جانە ولاردىڭ وتباسى مۇشەلەرىن ەگۋمەن قامتاماسىز ەتۋ جۇرگىزىلەدى.
وبلىس كولەمىندە بىلتىرعى ەپيدەميولوگيالىق ماۋسىمدا 164 گريپپ ۆيرۋسى ا/H1N1 – 25، ا/H3N2-137 جانە ۆ - 2 جاعداي تىركەلدى.
اعىمداعى جىلى وبلىس ايماعىندا 1 مەنينگوكوكك ينفەكسياسى تىلكەلدى، 100 مىڭ حالىق سانىنا شاققانداعى كورسەتكىشى – 0،14، 2018 جىلمەن سالىستىرعاندا (تىركەلمەگەن) سالىستىرعاندا 1 اۋرۋعا جوعارى.
وبلىس ايماعىندا مەنينگوكوكك ينفەكسياسىنىڭ تىركەلۋىنىڭ الدىن الۋ ساۋد ارابيا پاتشالىعىنا قاجىلىق ساپارعا باراتىن ادامداردى مەديسينالىق تەكسەرۋدەن وتكىزىپ، مەنينگوكوكك ينفەكسياسىنا قارسى 137 ادامعا ەكپە جۇرگىزىلىپ، ەگىلگەنى جونىندە سەريفيكات بەرىلدى. بيىلعى جىلى مەنينگوكوكك ينفەكسياسىنا 150 دوزا «نيمەنريكس» ۆاكسيناسى (ءوندىرۋشى ەلى – بەلگيا) الىندى. ەكپە اقىلى تۇردە ۇيىمداستىرىلدى. ەگىلگەندەر اراسىنان ۆاكسينادان كەيىنگى رەاكسيالار جانە اسقىنۋلار تىركەلگەن جوق.
قورشاعان ورتاداعى سۋ كوزدەرىنە زەرتحانالىق مونيتورينگ جۇرگىزىلدى. پوليمەرازدى تىزبەك ادىسىمەن (پسر) ەنتەروۆيرۋس ينفەكسياسىنا تەكسەرىلدى: اعىمدى سۋ كوزدەرىنەن – 30 سىناما، ناتيجەسى وڭ – 4 سىناما. باسسەين - 25، ناتيجەسى تەرىس، اشىق سۋ كوزدەرى – 66 سىناما، ناتيجەسى تەرىس.
