مۇنى وڭىرلىك كوممۋنيكاسيالار قىزمەتى الاڭىندا وتكەن بريفينگتە ماڭعىستاۋ وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى باسشىسىنىڭ ورىنباسارى قاراشاش نۇرمامەدوۆا ايتتى.

-«وبلىس بويىنشا زاڭسىز تولەنگەن تولەمدەردى قايتارۋ بويىنشا 1-توقساندا 64 ادامعا تولەم توقتاتىلدى، ولار بيۋدجەتكە 21،8 ملن تەڭگە قايتارۋ كەرەك، ال 4 ادامعا تولەمنىڭ زاڭدىلىعى دالەلدەنىپ، تولەم جالعاستىرىلدى. ەكىنشى توقساندا 487 ادامعا  زاڭسىز تولەنگەن 48،1 ملن تەڭگە بيۋدجەتكە  قايتارىلۋعا جاتادى»، - دەدى قاراشاش يشبەرگەن قىزى.

سونىمەن قاتار 163  وتباسى   تابىسىن جاسىرعان دەپ تانىلىپ، تولەم توقتاتىلدى، ولار بيۋدجەتكە    32، 4 ملن قايتارۋى ءتيىس. جالپى  1425 وتباسىعا   كومەك تولەۋ جالعاستىرىلدى. قازىرگى ەسەپتەۋلەر بويىنشا 714 وتباسىنان بيۋدجەتكە     102،3 ملن تەڭگە قايتارىلۋى قاجەت، ونىڭ ىشىنەن بۇگىنگى كۇنى   78  وتباسى 9،2 ملن تەڭگەنى قايتاردى.  

اتاۋلى الەۋمەتتىك كومەك تولەۋگە     4 427، 2  ملن تەڭگە (رب، ۇلتتىق قور - 3 875،2 ملن، جب-551،9  ملن تەڭگە)   ءبولىندى.

          جىل سوڭىنا دەيىن كومەك الۋشىلار سانىنىڭ  55 مىڭ ادامعا   (ءقازىر -51 138 ادام)  دەيىن وسەتىنىن ەسكەرە وتىرىپ، قوسىمشا  3 127،8 ملن تەڭگە قارجى قاجەت ەتىلەدى.

    ايتا كەتەيىك 1 928 وتباسىعا (10 502 ادام)  اتاۋلى الەۋمەتتىك كومەكتى تولەۋ اياقتالدى. قازىرگى كەزدەگى الۋشىلار سانى  7 308 وتباسىن  (40 820 ادام.) قۇراپ وتىر.