مۇنى وڭىرلىك كوممۋنيكاسيالار قىزمەتى الاڭىندا وتكەن بريفينگتە ماڭعىستاۋ وبلىسى اكىمىنىڭ ورىنباسارى باقىتجان قاشاقوۆ ايتتى.

ءبىلىم بەرۋ، الەۋمەتتىك سالا جانە دەنساۋلىق ساقتاۋ نىساندارى – 100%، اۆتونومدىق قازاندىقتار 90%، كوپ قاباتتى تۇرعىن ۇيلەر 93%، جىلۋ جەلىلەرى 96%، ەلەكتر جەلىلەرى 90%، سۋمەن جابدىقتاۋ جەلىلەرى 88،1% دايىن.

«ماەك-قازاتومونەركاسىپ» ج ش س ەنەرگەتيكالىق قۇرال-جابدىقتارىن كۇزگى-قىسقى جىلىتۋ ماۋىسىنا دايىنداۋ بويىنشا نەگىزگى جۇمىستار  كەستەگە ساي جۇرگىزىلۋدە. بەس تاۋلىككە جەتكىلىكتى 5 مىڭ توننا كولەمىندەگى مازۋتتىڭ اپاتتىق قورى بار3 قازاندىق اگرەگاتتارىنىڭ ەكەۋى اياقتالىپ، 1،5،12-قازاندىقتىڭ جوندەۋ جۇمىستارى جەلتوقسان ايىندا اياقتالادى دەپ جوسپارلانعان.

-«مونوپوليستەردىڭ تاريفتەرى 5 جىل سايىن زاڭ بويىنشا وزگەرىپ وتىرادى. ماەك كەلەسى جىلدىڭ قاڭتار ايىنان باستاپ جاڭا تاريفتەر ورناتۋ كەرەك. ورناتار الدىندا الدىمەن قوعامدىق كەڭەسپەن، حالىقپەن جيىندار وتكىزىلەدى. ءقازىر ولاردىڭ وتىنىشتەرى قاراستىرىلىپ جاتىر. كۇرت وزگەرىپ، حالىقتىڭ جاعدايىن تۇسىرەتىندەي ماسەلەلەر بولمايدى» -، دەدى باقىتجان قاشاقوۆ.

         -«ماەك-قازاتومونەركاسىپ» ءجشس-نىڭ «قازترانسگازايماق» الدىندا 3،2 ملرد تەڭگە كولەمىندەگى بەرەشەك قارىزى 20-قازانعا دەيىن جابىلادى. ال «وزەنجىلۋ» مكك-نىڭ «قازترانسگازايماق» الدىندا 380 ملن تەڭگە بەرەشەك قارىزى بار. جاڭاوزەن قالاسىنىڭ ءبىرقاتار جاستارىنا اقتاۋ قالاسىنان جۇمىس بەرىپ، جاتاقحاناعا ورنالاسۋ شىعىندارىن قارجىلاندىرۋ ماقساتىندا وسى جىلعا 236 ملن تەڭگە ءبولىندى، سونىڭ 36 ملن.تەڭگە يگەرىلدى. وسى قاراجاتتىڭ 150-200 ملن.تەڭگەسىن «وزەنجىلۋ» مەكەمەسىنە اۋدارعاندا «قازترانسگازايماق» تىڭ قارىزى وتەلەدى»،-دەدى مو ەنەرگەتيكا جانە تۇرعىن ۇي-كوممۋنالدىق شارۋاشىلىق باسقارماسىنىڭ باسشىسى جاندوس ءسالىموۆ.

         ايتا كەتەيىك، مۇنايلى، بەينەۋ اۋداندارى مەن جاڭاوزەن قالاسى ەنەرگورەسۋرس ءۇشىن بەرەشەك قارىزدارىن وتەۋ ماقساتىندا قوسالقى ستانسيا ماەك مەنشىگىنە وتكىزۋ بويىنشا ءىس-شارا جوسپارى جاساقتالعان.