بەلگىلى ايتىسكەر جارقىنبەك ناۋشابەكوۆ اۋىر سىرقاتتان قايتىس بولدى، - دەپ حابارلايدى Qamshy.kz اقپارات اگەنتتىگى اitysker.org سايتىنىڭ دەرەگىن نەگىزگە الىپ. 

اقىن 44 جاسقا قاراعان شاعىندا 2 قازاندا ومىردەن وتكەن.  1976 جىلى 12 قاڭتاردا وقو (قازىرگى تۇركىستان وبلىسى) سارىاعاش اۋدانى اقتوبە اۋىلىندا دۇنيەگە كەلگەن. 1997 جىلى ارقالىق قالاسىنداعى ى. التىنسارين اتىنداعى پەداگوگيكالىق ينستيتۋتتى بىتىرگەن. ايتىس ونەرىنە مەكتەپ جاسىنان ارالاسقان. العاشقى ءىرى جەڭىسى، 1992 جىلى شىمكەنت وبلىستىق جاس اقىندار ايتىسىنىڭ باس جۇلدەسىن جەڭىپ العان.  رەسپۋبليكالىق، حالىقارالىق اقىندار ايتىسىنىڭ بىرنەشە دۇركىن جەڭىمپازى. 2008 جىلدىڭ قورىتىندىسى بويىنشا "وڭتۇستىك قازاقستان وبلىسىنىڭ ەڭ ۇزدىك ايتىسكەر اقىنى" نوميناسياسىن يەلەنگەن. "ق ر تاۋەلسىزدىگىنە 20 جىل" مەدالىمەن ناگرادتالعان. ءومىرىنىڭ سوڭعى كەزەڭدەرى سارىاعاش اۋداندىق تىلدەردى وقىتۋ جانە دامىتۋ ورتالىعىنىڭ ديرەكتورى قىزمەتىن اتقاردى. ايتىسكەر سوڭعى ۋاقىتتا كەلەس اۋداندىق مادەنيەت ءۇيىنىڭ ديرەكتورى بولعان.