ءابىش كەكىلبايەۆتىڭ شىعارمالارىن ناسيحاتتاۋعا باعىتتالعان العاشقى تەاتر فەستيۆالى 2016-جىلى رەسپۋبليكالىق دەڭگەيدە وتسە، بيىل 80 جىلدىق مەرەيتويى اياسىندا «ABISH ALEMI» فەستيۆالى حالىقارالىق دەڭگەيدە شىمىلدىعىن ءتۇردى. ماڭعىستاۋ وبلىسى اكىمدىگىنىڭ ۇيىمداستىرۋىمەن، رەسپۋبليكامىزدىڭ مادەنيەت جانە سپورت مينيسترلىگى جانە ءتۇPكسوي-دىڭ قولداۋىمەن باستالعان فەستيۆال وزگە ەلدەرمەن مادەني-رۋحاني بايلانىستى نىعايتۋداعى التىن كوپىر ىسپەتتەس. الەمنىڭ جەتى ەلىنەن كەلگەن كاسىبي جانە مۋزىكالىق دراما تەاتر ارتىستەرى اقتاۋداعى نۇرمۇحان ءجانتورين تەاترى ساحناسىندا ءوزارا سىنعا تۇسپەك.
«رۋحاني جاڭعىرۋ» باعدارلاماسى اياسىندا ۇيىمداستىرىلعان «ABISH ALEMI» ءبىرىنشى حالىقارالىق تەاتر فەستيۆالىنە قاتىسۋعا نيەت بىلدىرگەن تەاتر ۇجىمدارىنىڭ قويىلىمىن، قازىلار القاسىنىڭ بەدەلدى مۇشەلەرى ابىز تۇلعا ءاسانالى ءاشىموۆ، «التىن قالام» سىيلىعىنىڭ لاۋرەاتى يسرافيل يسرافيلوۆ، باتىس قازاقستان وبلىستىق قازاق دراما تەاترىنىڭ قويۋشى رەجيسسەرى - سەردەش قاجىمۇراتوۆ، ع.مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترىنىڭ كوركەمدىك جەتەكشىسى – ەركىن جۋاسبەك، قازاقستاننىڭ ەڭبەك سىڭىرگەن قايراتكەرى – نۇركەن وتەۋىل، قازقستان رەسپۋبليكاسى مەملەكەتتىك سىيلىعىنىڭ لاۋرەاتى – ءادىل احمەتوۆ، ماڭعىستاۋ وبلىسىنىڭ «جىل ادامى – 2016» نوميناسياسىنىڭ يەگەرى مەدعات ومىرالييەۆ ساراپتايتىن بولادى.
«ABISH ALEMI» ءبىرىنشى حالىقارالىق تەاتر فەستيۆالىنە بىرنەشە تەاتر ۇجىمى قاتىسپاق. ولار:
1) ارمەنيادان ابەليان ۆانادزور مەملەكەتتىك دراما تەاترى؛
2) گرۋزيادان ءتبيليسيدىڭ مەملەكەتتىك ازەربايدجان تەاترى؛
3) يراننان بيلە ساۆار باربود تەاترى؛
4) وزبەكستاننان حورەزم تەاترى؛
5) تاجىكستان ك.حۋدجاندي اتىنداعى مۋزىكالىق كومەديا تەاترى؛
6) تۇركيانىڭ مەملەكەتتىك تەاترى؛
7) تۇركمەنىستان مەملەكەتتىك تەاترى؛
Cونداي – اق6 قازاقستاننان م.اۋەزوۆ اتىنداعى مەملەكەتتىك اكادەميالىق دراما تەاترى، ج.ايماۋىتوۆ اتىنداعى پاۆلودار وبلىستىق دراما تەاترى جانە ن.ءجانتورين اتىنداعى دراما تەاترى قاتىسىپ، ونەر كورسەتەدى.
حالىقارالىق تەاترلار فەستيۆالىندە ماڭعىستاۋ دراما تەاترى ءابىش كەكىلبايەۆتىڭ «ءبىر شوكىم بۇلت» شىعارماسىمەن «كۇي» پوۆەسىن ساحنالايدى. كۇي پوۆەسىندە ءرولدى سومداۋشىلاردىڭ باسىم بولىگى ەر ادامدار، ال مونو سپەكتاكلدى ءبىر ايەل سومداماق.