ءبىلىم جانە عىلىم مينيسترلىگىنىڭ جاۋاپتى حاتشىسى اۋىستى دەپ حابارلايدى Qamshy.kz اقپارات اگەنتتىگى. پرەزيدەنت ارىن ورسارييەۆتى قىزمەتىنەن بوساتتى، وكىم اقوردا سايتىندا جاريالاندى.

ءبىلىم جانە عىلىم مينيسترلىگىنىڭ جاۋاپتى حاتشىسى قىزمەتىنە قانات سارسەمبايەۆ تاعايىندالدى. ول بۇعان دەيىن سولتۇستىك قازاقستان وبلىسى اكىمى اپپاراتىنىڭ جەتەكشىسى بولىپ ىستەدى. ءال-فارابي اتىنداعى قازاق ۇلتتىق ۋنيۆەرسيتەتىندە "حالىقارالىق قۇقىق" ماماندىعى بويىنشا ءبىلىم العان.

ەسكە سالساق، مينيسترلىك قىزمەتكەرى انار قايىربەكوۆا ورىن ورسارييەۆ پەن باسقا دا ارىپتەستەرى قۇجاتتارعا قول قويۋ كەزىندە وعان قىسىم جاساعانىن مالىمدەدى. ايتۋىنشا، سەرۆەرلەردى كوشىرۋگە 48 ميلليون تەڭگە بولىنگەن، ءبىراق قىزمەت كورسەتۋشى بۇل جۇمىستى ورىنداماعان.

ال ورسارييەۆتىڭ مالىمدەۋىنشە، وتكەن جىلدىڭ جەلتوقسانىندا سەرۆەرلىك قوندىرعىلاردى كوشىرۋ جانە تەحنيكالىق قىزمەت كورسەتۋ بويىنشا مەملەكەتتىك ساتىپ الۋ وتكىزىلگەن. ءتيىستى قۇجاتتار بار، دەن سەندىردى ول.

مينيسترلىك قىزمەتكەرلەر اراسىنداعى داۋدىڭ سوڭعى 4-5 ايعا سوزىلىپ كەتكەنىن حابارلادى.

وسى اپتادا ءماجىلىس ءتوراعاسى نۇرلان نىعماتۋلين ءالى كۇنگە دەيىن جاس ماماندارعا ارنالعان باعدارلامانىڭ جۇمىس ىستەمەي تۇرعانىن ايتىپ، مينيسترلىك شەنەۋنىكتەرىن سىنعا العان ەدى.

ورسارييەۆتىڭ نە سەبەپتى قىزمەتىنەن كەتكەنى ايتىلعان جوق.