الماتى اكىمى ب. ساعىنتايەۆ ءال-فارابي اتىنداعى قازۇۋ-دە قالانىڭ ستۋدەنت جاستارىمەن كەزدەسىپ، «الماتى-2050» ۇزاق مەرزىمدى دامۋ ستراتەگياسىنىڭ نەگىزگى باعىتتارى تۋرالى ايتىپ بەردى، دەپ جازادى قالالىق اكىمدىكتىڭ باسپا ءسوز قىزمەتى.
باقىتجان ساعىنتايەۆ ءوزىنىڭ سوزىندە ستراتەگيانىڭ نەگىزگى قاعيدالارىنا توقتالدى، ولار - ەكولوگيا، كرەاتيۆتىلىك، ىلگەرىلەۋ، بىردەي مۇمكىندىكتەر، قاۋىپسىزدىك، مادەنيەت پەن ءبىلىمنىڭ جوعارى دەڭگەيى، كوپورتالىقتاندىرۋ جانە ادامداردى بىردەي شوعىرلاندىرۋ.
– جاستار بارلىق باستامالاردىڭ بەل ورتاسىندا ءجۇرۋى ءارى باستالعان قالا وزگەرىسىنىڭ قوزعاۋشى كۇشى بولۋلارى ءتيىس. ءبىز ءوز تاراپىمىزدان يدەيالاردى ىسكە اسىرۋعا كومەكتەسىپ، كرەاتيۆتى، يننوۆاسيالى جوبالار جاساۋ ءۇشىن جاستار كاسىپكەرلىگىنىڭ ەكوجۇيەسىن قۇراتىن بولامىز، – دەدى قالا اكىمى.
ستراتەگيا ءماتىنى اكىمدىكتىڭ سايتى مەن گازەتتەردە جاريالاناتىن بولادى. ب. ساعىنتايەۆ قالالىقتاردى باعدارلامالىق قۇجاتتى تالقىلاۋعا شاقىردى. ءتۇپنۇسقا جەلتوقساندا ۋربان-فورۋمدە ۇسىنىلاتىن بولادى.
مەگاپوليس اكىمى ءال-فارابي اتىنداعى قازۇۋ-دە بولعان كەزدە ستۋدەنتتەردى وقىتۋ جۇيەلەرىمەن تانىستى، پروسەسستى يننوۆاسيالار جانە جەردى قاشىقتىقتان باقىلاۋ ورتالىقتارى بار IT-تەحنوپاركىن كوردى. جوعارى وقۋ ورنىنىڭ عىلىمي الەۋەتىنىڭ قالاعا تيگىزەر پايداسى بار.
پىكىر قالدىرۋ