ءارقايسىسى 25 تاپسىرمادان تۇراتىن ۆەربالدى جانە ساندىق تەستتەن وتۋگە سايكەسىنشە 25 مينۋتتان بەرىلدى. بۇل كەزەڭدە قاتىسۋشىلار شەكتەۋلى ۋاقىت ىشىندە ماتىندىك ماتەريالدار مەن قۇجاتتاردى تالدادى، ساندىق كورسەتكىشتەرى بار دياگراممالارمەن، كەستەلەرمەن جۇمىس جاسادى. تاپسىرمالار بارىنشا زەيىن مەن اناليتيكالىق قابىلەتتىلىكتى تالاپ ەتتى.
تەستىلەۋ ۆەريفيكاسياسىنا ەڭ جوعارى بالل جيناعان 904 قاتىسۋشى جىبەرىلدى.
ساندىق جانە ۆەربالدى تەستىلەردىڭ كۇردەلىلىگى ۇزدىك ۇمىتكەرلەردى ىرىكتەۋگە مۇمكىندىك بەردى. بەلگىلەنگەن تالاپتارعا سايكەس، تەستىلەۋدى ۆەريفيكاسيالاۋعا قابىلەتتەرىن تەستىلەۋ كەزىندە ەڭ جوعارى بالل جيناعان 1000 ادامنان اسپايتىن كانديداتتار سانى جىبەرىلەدى. تەستىلەۋدىڭ ناتيجەسى بىرنەشە ۇمىتكەرلەردە تەڭ بولعان جاعدايدا ىرىكتەۋدىڭ كەلەسى كەزەڭىنە 1000 ادامنان اسپايتىن ۇمىتكەرلەر سانى جىبەرىلۋى مۇمكىن.
بەلگىلەنگەن تالاپتارعا سايكەس ءوتۋ شەگى 50-دەن 30-دى قۇرادى، بۇل ۇمىتكەرلەردىڭ قابىلەتتەرىنىڭ جاقسى دەڭگەيىن كورسەتەدى.
قازىرگى ۋاقىتتا تەستىلەۋدىڭ كەلەسى كەزەڭى – تەستىلەۋدى ۆەريفيكاسيالاۋعا جىبەرىلگەندەر ءتىزىمى – مەملەكەتتىك قىزمەت ىستەرى اگەنتتىگىنىڭ رەسمي سايتىندا جانە pkrezerv.kz ونلاين-پلاتفورماسىندا جاريالاندى.
ەستەرىڭىزگە سالا كەتەيىك، ىرىكتەۋگە قاتىسۋ ءۇشىن العاشقى تىركەۋدەن 13212 ادام ءوتتى، ونىڭ ىشىندە قىركۇيەك ايىنىڭ سوڭىنا دەيىن 7312 ۇمىتكەر تىركەۋ ءراسىمىن تولىعىمەن اياقتادى.
تەستىلەۋگە 5745 ۇمىتكەر قاتىستى. پرەزيدەنتتىك جاستار كادر رەزەرۆىنە بارلىق كەزەڭدەردىڭ قورىتىندىسى بويىنشا تەك 300 ۇزدىك جانە بارىنشا دايارلانعان جاستار الىناتىندىعىن ەسكەرە وتىرىپ، قابىلەتتەرىن تەستىلەۋ كەزەڭىندە باسەكەلەستىك ءبىر ورىنعا 19 ادامدى قۇرادى.
قاتىسۋشىلاردىڭ تەستىلەۋدى قالاي ءوتۋ كەرەك جانە كۇتپەگەن جاعدايدا تۋىنداعان ماسەلەلەر بولعان جاعدايدا نە ىستەۋ كەرەك، باسقا دا قويىلعان سۇراقتارىنا ونلاين رەجيمدە الەۋمەتتىك جەلىلەردە جانە پلاتفورمانىڭ وزىندە ۋاقىتىلى ءتيىستى جاۋاپتار بەرىلدى.
تەستىلەۋدى ۆەريفيكاسيالاۋ 19 قازاندا وتەدى. ونى ءوتۋ ءۇشىن ۇمىتكەرلەرگە ۆەبكامەراسى مەن ميكرافونى بار ستاسيونارلىق كومپيۋتەر نەمەسە ۇقساس گارنيتۋراسى بار نوۋتبۋك قاجەت.
پىكىر قالدىرۋ