«Nur Otan» پارتياسى ءتوراعاسىنىڭ ءبىرىنشى ورىنباسارى باۋىرجان بايبەك جانە نۇر-سۇلتان قالاسىنىڭ اكىمى التاي كۇلگىنوۆ ەكى جىل بۇرىن «CA Garden Schools» جەكە كومپانياسىنىڭ باسقارۋىنا بەرىلگەن №54 مەكتەپ-ليسەيدىڭ جۇمىسىمەن تانىستى.

كورسەتىلگەن مەرزىم ىشىندە ينۆەستور جوندەۋ جۇمىستارى مەن ماتەريالدىق-تەحنيكالىق بازانى جاڭارتۋعا 100 ملن. تەڭگەدەن استام قاراجات سالدى. وpen-spase ۇلگىسىندە جۇمىس ىستەيتىن co-working الاڭدارى، intellectum قوسىمشا ءبىلىم بەرۋ بولمەسى جانە لەكسياعا، شىعارماشىلىققا، مەدياعا ارنالعان ءۇش بولىكتەن تۇراتىن garden hub لەكسيا بولمەلەرى سياقتى جاڭا جۇمىس الاڭدارى اشىلدى. ءبىرىنشى قاباتتاعى ديرەكتوردىڭ كابينەتى مۇعالىمدەر بولمەسى بولىپ قايتا جابدىقتالدى.    

مەكتەپ ديرەكتورى شاكارىم سەيسەنبايدىڭ ايتۋىنشا، ءبىلىم بەرۋ جۇيەسىن جەتىلدىرۋ ماقساتىندا مۇعالىمدەر ۇنەمى بىلىكتىلىك ارتتىرۋ كۋرستارىنان ءوتىپ تۇرادى. مۇنداعى مۇعالىمدەر مەرەكە كۇندەرى كەزەكشىلىك جاساۋ سياقتى باسقا دا ءوز مىندەتتەرىنە كىرمەيتىن جۇمىستارمەن اۋرەلەنبەيدى. ال مەكتەپ تۇلەكتەرى ەلىمىز بەن شەت ەلدەردەگى ەڭ ۇزدىك ءبىلىم وردالارىنا وقۋعا ءتۇستى.   

«Nur Otan» پارتياسى ءتوراعاسىنىڭ ءبىرىنشى ورىنباسارى ءوز سوزىندە، مەكتەپتەگى وڭ وزگەرىستەرگە بيزنەس ەنگىزگەن مەنەدجمەنت جۇيەسىنىڭ ارقاسىندا قول جەتكىزىلگەندىگىن جانە مۇنداي تاجىريبەنى باسقا وقۋ ورىندارىنا تاراتۋدىڭ ماڭىزدىلىعىن اتاپ ءوتتى.

«ەلدەگى ادامي كاپيتالدىڭ ساپاسى مۇعالىمدەرگە جانە ءبىلىم بەرۋ دەڭگەيىنە بايلانىستى. سوندىقتان جۇيەنى زاڭنامالىق دەڭگەيدە جەتىلدىرۋ ءۇشىن، پارتيا تاراپىنان ءبىز وسىنداي ءبىلىم وردالارىنىڭ ءساتتى قادامداردىن زەردەلەۋدەمىز. سونىمەن قاتار، ەلباسى، «Nur Otan» پارتياسىنىڭ ءتوراعاسى ن.ءا.نازاربايەۆتىڭ باستاماسىمەن وسى ماماندىقتىڭ مارتەبەسىن كوتەرۋگە، مۇعالىمدەرگە جۇكتەمەنى ازايتۋعا جانە ولاردىڭ مىندەتىنە كىرمەيتىن جۇمىستاردى اتقارۋىنا جول بەرمەۋگە  باعىتتالعان «ءمۇعالىمنىڭ مارتەبەسى تۋرالى» زاڭ جوباسى جاسالدى. مەملەكەت باسشىسى ق.ك.توقايەۆ الداعى ءتورت جىلدا مۇعالىمدەردىڭ ەڭبەكاقىسىن ەكى ەسەگە كوتەرۋدى تاپسىردى. «Nur Otan» مۇعالىمدەرگە كومەكتەسۋ، جاعداي جاساۋ جانە ولاردىڭ مۇددەلەرىن قورعاۋ ءۇشىن وسى باعىتتا بەلسەندى جۇمىس ىستەيدى» - دەدى باۋىرجان بايبەك.