رەسەيدىڭ قورعانىس مينيسترلىگىنىڭ كوميسسياسى بايكال ولكەسىندە ساربازدىڭ اسكەري بولىمدە سەگىز ادامدى اتىپ ولتىرۋىنە قاتىستى مالىمدەمە جاسادى. ۆەدومستۆو مالىمەتىنشە، اسكەري بولىمدە زورلىق-زومبىلىق بولماعان – دەپ Qamshy.kz اقپارات اگەنتتىگى حابارلايدى، گازەتا.ru -عا سىلتەمە جاساپ.
كوميسسيا وكىلدەرى 20 جاستاعى ساربازدىڭ مۇنداي اۋىر قىلمىسقا بارۋىنا وفيسەرمەن ءوزارا داۋلاسۋى سەبەپ بولۋى مۇمكىن ەكەنىن ايتادى.
"سارباز قىزمەت ەتكەن اسكەري ءبولىم اسكەري پروكۋراتۋرا مەن كومانديرلەر وتىراتىن بولىمشەدەن الىس ورنالاسقان. كومانديرلەر اسكەري بولىمگە اندا-ساندا عانا باراتىن. قانداي دا ءبىر ەرەجەبۇزۋشىلىق جاساعان كومانديرلەر جاۋاپكەرشىلىككە تارتىلادى، قىزمەتىنەن بوساتىلادى"، - دەيدى ۆەدومستۆوداعىلار.
25 قازاندا باق-تار دەرەككوزدەرگە سىلتەمە جاساي وتىرىپ، قىزمەتتەستەرىن ءولتىردى دەگەن كۇدىكتىنىڭ ءوزى وندا قورلىق كورگەنىن جازعان بولاتىن. "72.ru" باسىلىمى بۇرىنعى ساربازدىڭ مونولوگىن جاريالاعان ەدى. ونىڭ ايتۋىنشا، ولتىرىلگەندەردىڭ ءبىرى - وفيسەر دانيل پيانكوۆ اسكەري بولىمدە ساربازداردى قورلاپ كەلگەن.
