قازاقستاننىڭ جاس روبوتوتەحنيكتەرى 24-27 قازان ارالىعىندا دۋبايدا وتكەن الەمنىڭ ەڭ ايگىلى FIRST Global چەمپيوناتىندا قولا مەدالدى جەڭىپ الدى. بيىلعى جارىسقا 191 مەملەكەتتەن ەڭ بىلىكتى وقۋشىلار قاتىسىپ، ب ا ق سىناستى.
FIRST Global-دىڭ ەكى كۇندىك ىرىكتەۋىنىڭ ناتيجەسى بويىنشا ءبىزدىڭ بالالار - ديلناز كامالوۆا، مانابايەۆ جەنيبەك، تەميروۆ باقتيار، قاسىم ەلتاي جانە قابدىقايىروۆ ەرجان - بارلىق قارسىلاستارىن باسا وزىپ، ماۋسىمنىڭ فاۆوريتىنە اينالدى. وقۋشىلارىمىز يزرايل، جۇڭگو، سينگاپۋر جانە باسقا دامىعان مەملەكەتتەردەن كەلگەن ەڭ ۇزدىك ويىنشىلاردى جەڭىپ، توپ جاردى.
جەڭىمپازداردى بىرنەشە جىلدان بەرى بۇل سايىستارعا دايىنداپ جۇرگەن ورتالىق ازيادا روبوتوتەحنيكانى دامىتۋ قورىنىڭ ترەنەرلەرى - Assylbek Murzakhmetov پەن Nurdaulet Dosmağambet ەڭبەكتەرى وراسان زور. ولاردىڭ ارقاسىندا بالالار ءتۇرلى سايىستاردان 50-دەن استام ماراپاتتارعا يە بولدى. وسى جىلدىڭ ءساۋىر ايىندا ولار اقش-تىڭ كەنتۋككي شتاتىندا وتكەن VEX-robotics الەم چەمپيوناتىندا ارنايى جۇلدەنى جەڭىپ العانىن ايتا كەتۋ كەرەك.
"جارىستا بارلىق قاتىسۋشىلار ءبىزدىڭ كوماندادا بولعىسى كەلەتىنىن جەتكىزدى. بۇل ءبىز ءۇشىن اسا قۇرمەت، ماقتانىش"، - دەيدى تالىمگەرلەر.
ەلىمىزدىڭ نامىسىن الماتىلىق نازاربايەۆ زياتكەرلىك مەكتەبىنىڭ، حەيليبەري قازاقستان، سونداي-اق قاراعاندىنىڭ نۇرماقوۆ اتىنداعى مامانداندىرىلعان مەكتەپ-ينتەرناتىنىڭ وقۋشىلارى قورعادى.
جاس روبوتوتەحنيكتەر بۇل جەڭىسپەن قازاقستان STEM سالاسىندا دامىعان مەملەكەت ەكەنىن بارشا الەمگە مويىنداتتى.
پىكىر قالدىرۋ