مەملەكەت باسشىسى قاسىم-جومارت توقايەۆتىڭ قازاقستان حالقىنا جولداۋىندا جاريالاعان «ۆولونتەر جىلىنىڭ» قارساڭىندا جامبىل وبلىسىنىڭ «ورلەۋ» باستاۋىش پارتيا ۇيىمى «ءومىر – عاجايىپ» الەۋمەتتىك جوباسىن باستادى، دەپ حابارلايدى Qamshy.kz اقپارات اگەنتتىگى «Nur Otan» پارتياسىنىڭ باسپا ءسوز قىزمەتىنىڭ دەرەگىن نەگىزگە الىپ. 

«Nur Otan» پارتياسىنىڭ مۇشەلەرى وزدەرىنىڭ نەگىزگى جۇمىستارىنان بولەك، قارتتار مەن بالالارعا، قيىن جاعدايعا دۋشار بولعان وتباسىلارعا قول ۇشىن بەرىپ، قايىرىمدىلىق جۇمىستارىنا بەلسەندى قاتىسادى. شەتەلدىك ورتالىقتاردىڭ تاجىريبەسى بويىنشا، «ورلەۋ» باۇ مۇشەلەرى قارتتار ۇيىندەگى جالعىزباستى قارتتار مەن بالالار ءۇيىنىڭ تاربيەلەنۋشىلەرىن ۇلكەن ءبىر شاڭىراق استىنا بىرىكتىردى.

«مەرەكەلەر مەن اتاۋلى كۇندەردى بىرگە وتكىزۋ ءۇشىن بۇلدىرشىندەر ايىنا بىرنەشە رەت قارتتار ۇيىنە ارنايى كەلەدى. بالالار ەرتەڭگىلىكتەر، رەترو بي كەشتەرى مەن تاقىرىپتىق ءىس-شارالار ۇيىمداستىرادى. جاقىندا №1 ارناۋلى الەۋمەتتىك قىزمەت كورسەتۋ ورتالىعىندا تۇراتىن زاعيپ اقىن الەكساندر كارپينسكييدىڭ ولەڭدەر جيناعى جارىق كوردى. ال ونىڭ كىتابىنىڭ جارىق كورۋىنە ءبىزدىڭ باستاۋىش پارتيا ۇيىمىمىز ات سالىستى. سونىمەن قاتار، ءبىز بالالاردىڭ وزدەرىنە دە ارناپ ءتۇرلى مەرەكەلىك شارالار ۇيىمداستىرىپ، سىيلىقتار مەن تاتتىلەر ۇلەستىرەمىز. ەڭ باستىسى – جۇرەك جىلۋى مەن قۋانىش سىيلاۋعا تىرىسامىز» - دەيدى جامبىل وبلىستىق پەداگوگيكالىق قىزمەتكەرلەردىڭ بىلىكتىلىگىن ارتتىرۋ ينستيتۋتىنىڭ ديرەكتورى گۇلشات مەدەتبەكوۆا.

قيىن جاعدايعا تاپ بولعان جالعىزباستى انالار مەن كوپ بالالى وتباسىلارعا قولداۋ كورسەتۋ – «Nur Otan» پارتياسى باسىمدىقتارىنىڭ ءبىرى. سوندىقتان دا «ورلەۋ» باستاۋىش پارتيا ۇيىمىنىڭ مۇشەلەرى ۆولونتەرلىك جۇمىستارعا ۇنەمى بەلسەندى قاتىسادى. اتاپ ايتقاندا، جالعىزباستى جانە كوپ بالالى انالارعا ارنالعان تەگىن ترەنينگتەر، بالالار ءۇشىن شەبەرلىك-سىنىپتارىن وتكىزىپ، از قامتىلعان وتباسىلارعا ماتەريالدىق قولداۋ كورسەتۋ سياقتى ت.ب. ىزگىلىكتى ىستەردى تۇراقتى تۇردە اتقارىپ كەلەدى.