قازان ايىندا Qamshy.kz اقپارات اگەنتتىگى «دومبىرا» ارناسىنىڭ جەتەكشىسى قانات ەرجىگىتوۆپەن اڭگىمەلەسىپ، "نازاربايەۆتىڭ دومبىرا تۋرالى باستاماسىن بيلىك قولداماي وتىر" دەگەن تاقىرىپتا سۇحبات جاريالادى. ارنا جەتەكشىسى OTAU TV سپۋتنيك جۇيەسىنە بايقاۋىنا قۇجاتتارىن جيناستىرىپ قاتىسقانىن، دەگەنمەن "دومبىرا" تەلەارناسى قالاداعى سيفرلىك جانە سپۋتنيكتىك جەلىلەرگە وتپەگەنىن ايتقان بولاتىن. كوپ ۇزاماي بۇل ماسەلە مينيستر داۋرەن ابايەۆتىڭ دا قۇلاعىنا جەتىپ، مينيستر ارنانى قولداۋعا دايىن ەكەنىن ايتتى.
«دومبىرا سەكىلدى مادەنيەت، ءبىلىم سالاسىنداعى تەلەارنالاردى مەملەكەت تاراپىنان قولداۋ ءبىلدىرۋى كەرەك. ويتكەنى جەكە دارا كاسىپكەرلەر مۇنداي قادامعا بارا بەرمەيدى. ءبىز قولداۋىمىز كەرەك. ەگەر كەلەسى كوميسسيالىق وتىرىستا قۇجاتتارىن دۇرىستاپ تاپسىرسا، كوميسسيا مۇشەلەرى دۇرىس شەشىم قابىلداپ جاتسا، قولداۋعا بولادى دەپ ويلايمىن. بۇل ارنا جۇمىسىن ىستەپ جاتىر. تەك بۇل ارنانىڭ جەتەكشىسى OTAU TV سپۋتنيكتىك جۇيەسىنە كىرۋدى قالاپ تۇر. مۇندا 100-گە جۋىق ارنا بار. سونىڭ ىشىندە 30 ارنا قاراجات تولەمەيدى. "دومبىرا" تەلەارناسى دا سول 30 ارنانىڭ قاتارىنا كىرگىسى كەلەدى. ءبىراق مۇنى تەك كوميسسيا مۇشەلەرى شەشەدى. ءبىز قولداۋعا دايىنبىز. «دومبىرا» ارناسىنىڭ قارجىلاي كومەك قاجەت نەمەسە OTAU TV سپۋتنيك جۇيەسىنە قوسىڭىزدار دەگەن ءوتىنىشىن قاراستىرۋعا بولادى"، - دەدى داۋرەن ابايەۆ.
پىكىر قالدىرۋ