اتىشۋلى باعدات مانزوروۆتىڭ كىناسى دالەلدەنسە، الماتى وبلىسىنىڭ اكىمى اماندىق باتالوۆتا وتستاۆكاعا كەتۋگە دايىن. بۇگىن استاناعا كەلىپ، جۋرناليستەرمەن بريفينگ وتكىزگەن  ءوڭىر باسشىسى وسىلاي دەپ اعىنان جارىلدى. الايدا، باتالوۆ ايماقتى تازا اۋىز سۋمەن قامتۋعا بولىنگەن قارجى جەلگە ۇشتى دەگەنمەن كەلىسپەيدى. جىلدار بويى بۇل ماسقاتقا بولىنگەن 500 ملرد تەڭگە ورىن-ورنىمەن جۇمسالعان كورىنەدى دەپ جازادى Qamshy.kz اقپارات اگەنتتىگى ەۋرازيا ءبىرىنشى ارناسىنىڭ دەرەگىن نەگىزگە الىپ. 

كوكتەمگى، جازداعى بيلىكتەگى اۋىس-تۇيىستەن سوڭ ورنىن ساقتاپ قالعان اماندىق باتالوۆ الماتى وبلىسىن 5 جىلدان بەرى باسقارىپ كەلەدى.  70-كە جاقىنداپ قالعان شەنەۋنىك دەمالىسقا كەتۋدى دە اڭساپ جۇرگەن سياقتى.

ورىنباسارىنىڭ كىناسى دالەلدەنسە، وتستاۆكاعا كەتۋگە ءازىرمىن دەپ قالدى. ايتا كەتەيىن، بۇعان دەيىن ورىنباسارى باعدات مانزوروۆ قىزمەتتىك وكىلەتتىگىن پايدالانعان دەپ كۇدىككە ءىلىنىپ، كەيىن قىزمەتىنە قايتا ورالعان ەدى.

"مەنىڭ كەتەرىمدى، كەتپەسىمدى ۇكىمەت باسشىسى شەشەدى.  كوپ جىل جۇمىس ىستەدىم. ادال قىزمەت ەتتىم. كەرەك بولسا مەن نەمەرەلەرىممەن قۋانىپ، جۇگىرىپ، سولاردىڭ قاسىندا بولام. مەن وندايدان قورىقپايمىن"، - دەدى الماتى وبلىسىنىڭ اكىمى. 

2 ملن-عا تارتا تۇرعىنى بار وبلىستا پروبلەما دا جەتەدى.  700-دەن اسا ەلدى مەكەن بار. اسىرەسە، ءۇش اۋىسىمدى مەكتەپ پەن اۋىز سۋ ماسەلەسىن پرەزيدەنتتە سىنعا العان بولاتىن.

«الماتى وبلىسىندا دا اۋىل تۇرعىندارىن ساپالى اۋىزسۋمەن قامتۋ پروبلەماسى بار. وتكەن 20 جىلدا بۇل ماقساتقا 500 ملرد-تان استام قارجى بولىنگەن. بۇل  وتە ۇلكەن سوما، ءبىراق اۋىز سۋ ماسەلەسى شەشىلگەن جوق. قارجى قايدا كەتتى؟ ماسەلە نەگە شەشىلمەدى؟ ەسەپ كوميتەتىنە دە سۇراقتار بار. ايماقتاعى كەزەكتى ءبىر پروبلەما  اپاتتى ءارى ءۇش اۋىسىمدى مەكتەپتەر جايى. 2018-2019 جىلدارى 14 مەكتەپ سالۋعا 15،5 ملرد تەڭگە بولىنگەن. ءبىراق بۇل ايماققا ءالى دە 20 مەكتەپ قاجەت"، - دەدى قاسىم-جومارت توقايەۆ. 

الايدا، اماندىق باتالوۆ الماتى وبلىسى وڭىرلەردىڭ اراسىندا اۋىز سۋ ماسەلەلەسىن شەشۋدە كوش باستاپ تۇر دەپ اقتالدى. 500 ملرد تەڭگەنىڭ ءار تيىنىنا دەيىن اۋىز سۋعا جۇمسالدى دەيدى.

"نەگە سرازۋ ويلايسىڭدار، بىرەۋ سول اقشانى ۇرلاپ الدى، ءبىر نارسە ەتتى دەپ. ايتىلدى عوي الماتى وبلىسىندا بيىك كورسەتكىش دەپ. ءقازىر مىنا جەرگە شىعارسىن بارلىق وبلىستاردى. الماتى وبلىسى 86 پروسەنت. جاڭاعى بەرگەن قاراجاتتىڭ ارقاسىندا سۋ جۇيەلەرىنىڭ بارلىعى سالىنعان"، - دەدى اماندىق باتالوۆ. 

سونداي-اق، اكىم وسى وبلىستىڭ اۋماعىنان اتوم ەلەكتر ستانساسىن سالۋ تۋرالى اڭگىمە قوزعالعانىن دا راستادى. دەگەنمەن، ول ءسوز جۇزىندە قالعان كورىنەدى. 

"بىل رازگوۆور. ۆى زناەتە، چتو تام نەسكولكو ۆاريانتوۆ بىلو، ي الماتينسكايا وبلاست بىلا ودنيم يز ۆاريانتوۆ. درۋگوي  ۆ ۆوستوچنو-كازاحستانسكوي وبلاستي، ۆتوروي ناش، نو ەتونا ستاديي رازگوۆورا وستالوس. نيكاكيح وتۆودوۆ زەمەل، نيكاكيح وبسۋجدەنيي، نيكاكيح ۆىەزدوۆ نە بىلو. ەتو يا موگۋ وتكروۆەننو سكازات"، - دەدى اماندىق باتالوۆ. 

استانالىق جۋرناليستەردىڭ الدىنا شىققان اماندىق باتالوۆ تاعى ءبىر قۇپيانى ايتىپ اعىنان جارىلدى. قىركۇيەكتە شامالعان ستانساسىندا بولعان قايعىلى وقيعادان كەيىن جەرگىلىكتى شەنەۋنىكتەردىڭ قيمىلداي باستاپتى. ەستەرىڭىزدە بولسا، جولاۋشى تيەگەن اۆتوبۋس پويىزعا سوقتىعىسىپ، كولىك جۇرگىزۋشىسى قازا تاپقان ەدى. بۇدان بولەك، ءبىر كەلىنشەك پەن ونىڭ ەكى ىردەي ورىمدەي قىزى اۋىر جارالانىىپ، اۋرۋحاناعا تۇسكەن بولاتىن. ءقازىر 360 ملن تەڭگە ءبولىنىپ، تەمىر جول بەكەتىنىڭ جانىنان اينالما جول سالىنباق ەكەن.