ورالدا جول اپاتىنان قايتىس بولعان 10 جاسار قىزدىڭ دەنەسىن ءمايىتحانا قىزمەتكەرلەرى قاتەلەسىپ، باسقا اۋىلعا جىبەرگەن دەپ – Qamshy.kz اقپارات اگەنتتىگى حابارلايدى، "ۋرالسكايا نەدەليا" باسىلىمىنا سىلتەمە جاساپ.

ايارۋدىڭ اكەسى اسىلحان قازييەۆتىڭ ايتۋىنشا، ول ءمايىتحاناعا كەلگەندە قىزدىڭ دەنەسىن باسقا اۋىلعا الىپ كەتكەنى بەلگىلى بولدى. 

"قىزىمىزدى جەرلەۋگە دايىندالىپ جاتىر ەدىك. مەن ءمايىتحاناعا باردىم. قىزمەتكەرلەر قۇجاتتاردى كورسەتىپ، قىزىمنىڭ دەنەسىن الىپ كەتكەنىن ايتتى. سايحيندەگى وتباسى دا قايعىدان قان جۇتىپ وتىر ەكەن. ولار بالالارىن الىپ كەتۋگە مەنەن ەكى ساعات بۇرىن كەلگەن. ولارعا قاتەلەسىپ، ايارۋدىڭ دەنەسىن بەرگەن"،  – دەيدى قىزدىڭ اكەسى. 

ودان وزگە قىزدىڭ دەنەسىن الىپ كەتكەن وتباسى ورال قالاسىنان الىستاپ كەتكەن.

"ول ادامدار دا سەنە المادى. ءمايىتحانا قىزمەتكەرلەرىنىڭ جاۋاپسىزدىعى اقىلعا سىيمايدى "، – دەيدى قازييەۆ.

ەسكە سالساق، 20 قاراشا كۇنى اجەسىمەن بىرگە كاراتە جاتتىعۋىنان قايتىپ كەلە جاتقان. جاياۋ جۇرگىنشى جولىندا Audi جۇرگىزۋشىسى ايارۋدى قاعىپ كەتىپ، ءىزىن سۋىتتى. پوليسەيلەر جۇرگىزۋشىنى بىرنەشە ساعات ىشىندە ۇستادى.

ايارۋ ەرمەك قالاداعى بەلگىلى مۋزىكانت اسىلحان قازييەۆتىڭ ۇلكەن قىزى جانە بەلگىلى كۇيشى، وبلىستىق فيلارمونيا ءارتىسى ەرمەك قازييەۆتىڭ نەمەرەسى.