قازاقستان ۇلتتىق ارناسىنداعى «اشىق الاڭ» باعدارلاماسىندا پروديۋسەر، جۋرناليست جانگەلدى تاڭاتبەك ۇلى «30 جاسقا دەيىن ءۇي الماعان قازاق سۋىردان تومەن» دەپ مالىمدەمە جاساعان بيزنەس-ترەنەر احمەتبەك نۇرسيلانى تىكەلەي ەفيردە قاتتى سىنعا الدى، دەپ جازادى Qamshy.kz اقپارات اگەنتتىگى.
احمەتبەك نۇرسيلانىڭ بۇل ءسوزى كوپشىلىكتىڭ قىزۋ تالقىسىنا ءتۇسىپ، جۇرتتىڭ نارازىلىعىن تۋدىرعان. جۋرناليست اسحات سادىربايعا بەرگەن شۋلى سۇحباتىندا بيزنەس-ترەنەر: «ءبىزدىڭ ەلدە ءۇيسىز كارىس، نە ورىس جوق. باسپاناسىز تەك قازاقتار» دەگەن پىكىرىنە جانگەلدى تاڭاتبەك ۇلى: «قازاقتان جەكسۇرىن جاساۋدى قويۋ كەرەك. ارينە ءسىز ءۇيسىز كارىسپەن ورىستى كورمەيسىز، سەبەبى بۇل قازاقستان. مۇندا قازاق كوپ، ءسىز رەسەيدەن ءۇيسىز قازاق ىزدەمەيسىز عوي، مىنا ءىسىڭىز ءشوپ اراسىنان ينە ىزدەگەنمەن بىردەي"،-دەپ جاۋاپ بەردى.
جۋرناليست بيزنەس-ترەنەردىڭ بۇل ءسوزىن جىگەرلەندىرۋ ەمەس، جەر ەتۋ، ۇلتتىڭ نامىسىنا تيۋ ەكەنىن اتاپ ءوتتى.
سونداي-اق، جۋرناليست باعدارلاما بارىسىندا قازاقتى جالقاۋ دەپ سوككەن ومار جالەلگە دە شۇيلىكتى. ونىڭ پىكىرىنشە، قازاقتىڭ تەك جامان تۇستارىن كورىپ، ونى بەتىنە باسىپ، كەرى تارتا بەرگەندى قويۋ كەرەك. باعدارلاما بارىسىندا ابايتانۋشىنىڭ سوزىنەن قايتىپ، ءجۋرناليستتىڭ پىكىرىن ماقۇلداعانى بايقالدى.
داۋ تۋدىرعان باعدارلامانىڭ بۇل جولعى شىعارىلىمى قارجىلىق ساۋاتتىلىق تاقىرىبىندا وتكەن.
پىكىر قالدىرۋ