بۇگىن 103 جاسقا قاراعان شاعىندا كورنەكتى تەاتر جانە كينو اكتريساسى، ساڭلاق ساxناگەر، قازاقستاننىڭ حالىق ءارتيسى ، "پاراسات"، "قۇرمەت بەلگىسى"، "ۇلى وتان سوعىسىنىڭ ارداگەرى" وردەندەرىنىڭ يەگەرى ايشا ابدۋللينا ومىردەن ءوتتى"، - دەپ حابارلايدى ق.قۋانىشبايەۆ اتىنداعى قازاق مەملەكەتتىك اكادەميالىق مۋزىكالىق دراما تەاترىنىڭ ديرەكتورى، قازاقستان تەاترلار اسسوسياسياسىنىڭ ۆيسە-پرەزيدەنتى اسحات ماەميروۆ.

كورنەكتى ساحنا شەبەرى ا.ابدۋللينا 1916 جىلى الماتى قالاسىندا دۇنيەگە كەلگەن ايشا اپا،  1935 جىلى قازاق مەملەكەتتىك دراما تەاترى جانىنداعى 2 جىلدىق ستۋديانى اياقتايدى. قازاق ونەرىنىڭ قارا شاڭىراعى م.اۋەزوۆ اتىنداعى اكادەميالىق دراما تەاترىندا شىعارماشىلىق ەڭبەك جولىن باستايدى. 1936 جىلى ماسكەۋدە وتكەن قازاق ونەرى مەن مادەنيەتىنىڭ ون كۇندىگىندە جامبىلداي جىر الىبى، كۇلاش بايسەيىتوۆا، ق.جانداربەكوۆتەردىڭ جانىندا بىرگە ونەر كورسەتەدى. دەكادا قورىتىندىسى بويىنشا ي.ۆ.ءستاليننىڭ قولىنان "ەڭبەك قىزىل تۋ" وردەنىن الادى. قازاق تەاتر ونەرىنىڭ تاريحىندا ايشا اپا تۇڭعىش رەت دەزدومانا بەينەسىن سومدادى. كەيىن شىمكەنت قالاسىنا قونىس اۋدارىپ ج.شانين اتىنداعى اكادەميالىق تەاترىندا 65 جىل بويى ءۇزىلىسسىز اكتريسا بولىپ قىزمەت ەتتى. ورىنداۋشىلىق دياپازونى كەڭ اكتريسا ۇلتتىق دراماتۋرگيا بەن الەمدىك كلاسسيكانىڭ جاۋhارلارىندا بىر-بىرىنە ۇقسامايتىن  100-دەن اسا ساxنالىق بەينەلەردى سومداپ، ايەلدەر بەينەسىنىڭ تولىققاندى گالەرەياسىن جاسادى. سولاردىڭ ىشىندەگى ايشا ابدۋللينا اپامىزدىڭ ونەردەگى بويتۇمارى - ەڭلىك، قىزجىبەك، دەزدەمونا بەينەلەرى ەدى. ونەر الەمىندە قول جەتكىزگەن جەتىستىكتەرى مەن ەرەن ەڭبەگى، شىعارماشىلىق جولى - جاس بۋىن ءۇشىن جارقىن ۇلگى بولا بىلگەن ايشا ابدۋليننانىڭ  ءبىر عاسىرلىق مەرەيتويى -استانامىزدا، الماتى مەن شىمكەنت قالالارىندا سالتاناتتى جاعدايدا اتاپ ءوتىلىپ، ايشا اپا حالقىنا اق باتاسىن بەرىپ، ءان مەن جىردان شاشۋ شاشتى. ۇزاق جىلعى ونەر مەن مادەنيەت سالاسىنا سىڭىرگەن ەڭبەگى ءۇشىن ق ر تۇڭعىش پرەزيدەنتى - ەلباسىنىڭ مەملەكەتتىك ستيپەندياسىنا يە بولدى. "وڭتۇستىك قازاقستان وبلىسىنىڭ قۇرمەتتى ازاماتى" اتاعىنا يە بولدى. قازاق تەاتر ونەرىنىڭ تاريحىندا ەڭ ۇزاق جاساعان اكتريسا  ايشا اپاىزدىڭ اق باتاسىن العان، تالاي سىرداس، داستارحانداس بولعان ونەردەگى جاقسى كورگەن بالالارىنىڭ ءبىرى بولعانىما ريزامىن.  ايشا ابدۋللينانىڭ ۇرپاعىنا، تۋما-تۋىسقاندارى، ارىپتەستەرىنە قايعىرىپ كوڭىل ايتامىن. ايشا اپامىزدىڭ ونەردەگى ادالدىق پەن تازالىقتى تۋ ەتكەن جارقىن بەينەسى، ادامي كەلبەتى - جۇرەگىمىزدە ساقتالادى.

يمانىڭ جولداس بولعاي، ايشا اپا! مارقۇممەن قوشتاسۋ ءراسىمى الماتى قالاسىندا 28 قاراشا كۇنى، ساعات 09.00-دە م.اۋەزوۆ تەاترىندا وتەدى.