ورالدا ەر ادام ءوز ايەلىن تۇتقىنعا الدى، – دەپ حابارلايدى Qamshy.kz اقپارات اگەنتتىگى،  وڭىرلىك پوليسيا دەپارتامەنتىنىڭ باسپا ءسوز قىزمەتىنە سىلتەمە جاساپ.

پوليسيانىڭ مالىمدەۋىنشە، بۇگىن ساعات 13:10-دا 102 نومىرىنە ەر ادامنىڭ نوتاريۋس كەڭسەسىندە ەسىكتى جاۋىپ، ايەلىن ۇستاپ وتىرعانى تۋرالى حابار تۇسكەن. ەر ادامنىڭ قولىندا پىشاق پەن گراناتاعا ۇقساس زات بولعان.

وقيعا ورنىنا بارلىق جەدەل قىزمەتتەر دەر كەزىندە جەتتى.

قىلمىسقا بايلانىستى بەسقاباتتى تۇرعىن ءۇيدىڭ بارلىق تۇرعىنى ەۆاكۋاسيالانىپ، ءۇيدىڭ اۋماعى قورشاۋعا الىندى.

پوليسيا قىزمەتكەرلەرى ەر اداممەن كەلىسسوز جۇرگىزۋگە تىرىسىپ باعۋدا.

وقيعا ورنىندا باتىس قازاقستان وبلىستىق پوليسيا دەپارتامەنتى باستىعىنىڭ مىندەتىن اتقارۋشى سەرىك سۇيىنبايەۆ ءجۇر.

قازىرگى تاڭدا ەر ادامنىڭ كىم ەكەنى انىقتالدى. پوليسيانىڭ دەرەگىنە سۇيەنسەك، ەرلى-زايىپتىلاردىڭ اجىراسىپ جاتقانى بەلگىلى بولدى.