بۇل تۋرالى وڭىرلىك كوممۋنيكاسيالار قىزمەتى الاڭىندا بولعان بريفينگتە بەينەۋ اۋدانىنىڭ اكىمى بەينەۋبەك ءابىلوۆ ءمالىم ەتتى.
- «ەكونوميكالىق بەلسەندى تۇرعىندار سانى 27882 ادام، اۋدان حالقىنىڭ 26687ء-ى جۇمىسپەن قامتىلعان، 1195ء-ى جۇمىسسىز. جىل باسىنان بەرى اۋدانعا 299 ادامى بار 63 وتباسى كوشىپ كەلدى. ولاردىڭ 34ء-ى تۇراقتى جۇمىسقا ورنالاستىرىلىپ، 27ء-ى اقىلى قوعامدىق جۇمىسقا تارتىلدى»، - دەدى اۋدان اكىمى.
بارلىق كوزدەردى قوسا ەسەپتەگەندە الەۋمەتتىك قورعاۋ ىسىنە 4،9 ملرد. تەڭگە جۇمسالعان. بۇل وتكەن جىلمەن سالىستىرعاندا 812 ملن. تەڭگەگە نەمەسە 24،7% كوپ. بۇل قارجىنىڭ 4،5 ملرد. تەڭگەسى رەسپۋبليكالىق بيۋدجەت ەسەبىنەن، 402 ملن. تەڭگەسى اۋداندىق بيۋدجەتتەن بەرىلگەن.
- «جاڭادان 2715 جۇمىس ورنى اشىلدى، ونىڭ 69،4% نەمەسە 1885ء-ى تۇراقتى جۇمىس ورنى. جۇمىسپەن قامتۋ ۇيىمدارى ارقىلى 1048 ادام تۇراقتى جۇمىسقا ورنالاستىرىلدى. الەۋمەتتىك قولداۋدى قاجەت ەتەتىن وتباسىنىڭ 934 بالاسى تەگىن تاماقتاندىرىلادى»، - دەدى اكىم.
ءبىلىم بەرۋ سالاسىنا 7،4 ملرد.تەڭگە بولىنگەن. ءبىر وقۋشىعا شاققاندا 414 مىڭ تەڭگەدەن. 3-6 جاس ارالىعىنداعى بالالاردى مەكتەپالدى دايىندىقپەن قامتۋ كورسەتكىشى 98،1% جەتكەن. وپورنىي ورتا مەكتەبىندە مۇمكىندىگى شەكتەۋلى بالالارعا قۇنى 2 475 مىڭ تەڭگە قۇرايتىن سەنسورلىق كابينەت جابدىقتالعان.
ءوندىرىس، كاسىپكەرلىك، ينفراقۇرىلىمدى دامىتۋ بويىنشا كورسەتكىشتەر
بيىلعى جىلى 390،7 مىڭ توننا مۇناي مەن 910،4 ملن. تەكشە مەتر گاز وندىرىلگەن. وتكەن جىلدىڭ وسى كەزەڭىمەن سالىستىرعاندا مۇناي 2،5 مىڭ تونناعا (99،3%)، گاز 77،2 ملن. تەكشە مەترگە (92،1%) كەمىپ وتىر.
- «استىق تەرمينالى وزبەكستانعا 272 توننا ۇن ەكسپورتتاپ، 4664 توننا ۇن، 2057 توننا جەم ءوندىردى. 2019 جىلعى قاڭتار-قىركۇيەك ايىنا ونەركاسىپ ءونىمىنىڭ كولەمى 51،8 ملرد. تەڭگەگە، نەگىزگى كاپيتالعا سالىنعان ينۆەستيسيا 22،9 ملرد. تەڭگەگە جەتتى. ونەركاسىپتىك ءوندىرىستىڭ يندەكسى 89،0% بولسا، ينۆەستيسيا كولەمى 100،6% قۇرادى»، - دەدى اۋدان اكىمى ب.ءابىلوۆ.
«ءشاعىرلى-شومىشتى» كەن ورنىندا 651،2 ملن. تەكشە مەتر گاز وندىرىلگەن. بۇل اۋداندا وندىرىلگەن گازدىڭ 79،7 قۇرايدى. ءقازىر وندا 247 ادام ەڭبەك ەتەدى، ونىڭ 46،5% نەمەسە 115ء-ى اۋدان تۇرعىندارى.
رەسمي ستاتيستيكالىق اقپاراتقا سايكەس 2019 جىلدىڭ قاڭتار-مامىرىندا شاعىن جانە ورتا كاسىپكەرلىك سۋبەكتىلەرىنىڭ وندىرگەن ءونىم كولەمى 3769،0 ملن.تەڭگەنى (83،3%) 2019 جىلعى قاڭتار-قىركۇيەكتەگى بولشەك ساۋدانىڭ ناقتى كولەم يندەكسى 9873،1 ملن.تەڭگەنى قۇرادى (105،5%).
«بيزنەستىڭ جول كارتاسى – 2020» باعدارلاماسى - جىل باسىنان 60،7 ملن.تەڭگە كولەمىندە كاسىپكەرلەرگە مەملەكەتتىك قولداۋ كورسەتىلدى، ونىڭ ىشىندە: 49،4 ملن.تەڭگەگە 2 جوبا سۋبسيديالاندى (10 جۇمىس ورنى) 11،3 ملن.تەڭگەگە 2 جوبا كەپىلدەندىرىلدى (11 جۇمىس ورنى). اتالعان باعدارلاما اياسىندا جاڭا بيزنەس يدەيالارعا «IT مەكتەپ» اشۋعا 1،0 ملن.تەڭگە كولەمىندە مەملەكەتتىك گرانت بەرىلدى.
«نۇر كاپيتال» باعدارلاماسى - بارلىعى 11 كاسىپكەر 137،3 ملن. تەڭگە كولەمىندە نەسيە الدى. 60 جۇمىس ورنى قۇرىلادى. (2018 جىلى 5 نەسيە، 73،0 ملن.تگ، 25 جۇمىس ورنى. 2019 جىلى 6 نەسيە، 64،3 ملن.تگ، 35 جۇمىس ورنى).
شاعىن نەسيەلەندىرۋ بويىنشا بارلىعى 74 نەسيە، 343،1 ملن.تەڭگە، 82 جاڭا جۇمىس ورنى اشىلعان. نۇرلى جول» باعدارلاماسى اياسىندا قۇرىلىسى ءجۇرىپ جاتقان، قۇنى 19،8 ملرد. تەڭگە بولاتىن «بەينەۋ-اقجىگىت-وزبەكستان رەسپۋبليكاسى شەكاراسى» اۆتوموبيل جولىنىڭ 80 كم اسفالتتانىپ، قۇرىلىسقا 353 تەحنيكا مەن 659 ادام جۇمىلدىرىلدى. جەرگىلىكتى بيۋدجەت ەسەبىنەن بەينەۋ اۋىلىندا 10 كوشەگە 441،9 ملن تەڭگەگە اۋىلىشىلىك گاز قۇبىرىن تارتۋ جۇمىستارى باستالدى.
پىكىر قالدىرۋ