پارتيا ءتوراعاسىنىڭ ءبىرىنشى ورىنباسارى ەلباسىنىڭ ستراتەگيالىق باستامالارى مەن مەملەكەت باسشىسىنىڭ تاپسىرمالارىن جۇزەگە اسىرۋ اياسىندا ۇكىمەت 2026 جىلعا دەيىن اۋىلداردى قولداۋ ءۇشىن 2 تريلليون تەڭگە ءبولۋدى كوزدەپ وتىرعانىن ايتتى. 2021 جىلعا قاراي 3477 اۋىلدى جاڭعىرتىپ، اۋىز سۋمەن قامتىپ، الەۋمەتتىك ينفراقۇرىلىمداردى جاقسارتىپ، جولدى جوندەۋ مەن قۇرىلىس جۇمىستارىنا ايرىقشا كوڭىل ءبولۋدى جوسپارلاپ وتىر.
«بۇگىن سىزدەرمەن اتاۋلى مەرەكە – قازاقستان رەسپۋبليكاسىنىڭ تۇڭعىش پرەزيدەنتى كۇنى قارساڭىندا جۇزدەسىپ وتىرمىز. بۇل قازاقستاندىقتار ءۇشىن ەرەكشە مەرەكە. تاۋەلسىزدىك جىلدارىندا ەلباسى ەتنيكاارالىق كەلىسىمنىڭ بىرەگەي ۇلگىسىن جاسادى، ءبىر ميليوننان استام قازاقتار تاريحي وتانىنا ورالدى. نۇرسۇلتان نازاربايەۆتىڭ ارقاسىندا ءبىزدىڭ بارلىق شەكارامىز شەگەندەلدى. قىسقا ۋاقىت ىشىندە ەلىمىز قاجەتتى نارىقتىق رەفورمالاردى جۇزەگە اسىردى. ەگەر دە 90-شى جىلدارى قازاقستاندىقتاردىڭ 30%-ىنىڭ تۇرمىس-تىرشىلىگى ناشار بولسا، ءقازىر بۇل كورسەتكىش 4،6%-عا دەيىن تومەندەدى»، - دەپ اتاپ ءوتتى باۋىرجان بايبەك.
پارتيا ءتوراعاسى ءبىرىنشى ورىنباسارىنىڭ ايتۋىنشا، باستاۋىش پارتيا ۇيىمدارى «Nur Otan»-نىڭ - باستى تىرەگى، قوزعاۋشى كۇشى. پارتيانىڭ بەلسەندى مۇشەلەرىن جۇمىلدىرۋ مەن جاڭا تۇلعالاردى تارتۋ ماقساتىندا 14 وڭىردە پيلوتتىق رەجيمدە پارتيالىق كادرلىق رەزەرۆكە ىرىكتەۋ جۇرگىزىلدى.
«ەگەر دە قوعامدا ديالوگ بولماسا، سەنىم دە بولمايدى. سەنىم جوق جەردە، بولاشاققا نىق قادام جاساي المايمىز. سوندىقتان ەلباسى «سەنىم. ديالوگ.بولاشاققا نىق قادام» دەپ اتالاتىن پارتيانى قايتا جاڭعىرتۋدىڭ باعدارلاماسىنا باستاماشى بولدى. «Nur Otan» پارتياسىنىڭ باستى ماقساتى – وسىلاردىڭ باسىن بىرىكتىرۋ. الەۋمەتتىك جۇيەنى جەتىلدىرىپ، ەل قامىن ويلاپ، حالىقتىڭ ءومىرىن جاقسارتا تۇسكىسى كەلەتىندەردى پارتياعا تارتۋ. بۇگىنگى تاڭدا پرەزيدەنت قاسىم-جومارت توقايەۆتىڭ تاپسىرماسىنا وراي وڭىرلەردى دامىتۋعا ايتارلىقتاي قاراجات بولىنۋدە. پارتيا ليدەرى نۇرسۇلتان نازاربايەۆ ايتقانداي، «Nur Otan» ءوز تاراپىنان بيۋدجەت قارجىسىنىڭ جۇمسالۋىنا قاتاڭ باقىلاۋدى قامتاماسىز ەتەدى»، - دەدى باۋىرجان بايبەك.
باتىس قازاقتان وبلىسى، اقجايىق اۋدانىنان كەلگەن پارتيالىق گۇلنار گيلمانوۆا ءوز سوزىندە تاۋەلسىزدىكتىڭ العاشقى جىلدارىندا حالىقتىڭ قانداي اۋىرتپالىقتى باسىنان وتكەرگەنىن تىلگە تيەك ەتتى.
«ادامداردىڭ جالاقىسى كەشىكتىرىلىپ، ولار بالالارىن قالاي اسىرارىن، قالاي كيىندىرەرىن بىلمەي قينالدى. ۋاقىت وتە كەلە قاراپايىم حالىقتىڭ جاعدايى جاقسارا ءتۇستى. ەرتەڭگى كۇنگە دەگەن سەنىم پايدا بولدى: ءبىز كۇيەۋىمىز ەكەۋمىز ءتورت بالانى تاربيەلىپ جاتىرمىز»، - دەدى ول.
ءوز سوزىندە اقمولا وبلىسى، ەسىل اۋدانىنان كەلگەن بەكزات بايمۇراتوۆ پارتيالىق كادرلىق رەزەرۆ پيلوتتىق جوباسىنىڭ تالاي جاسقا جول اشىپ بەرگەنىنە توقتالدى.
«مەن 25 جاستامىن. بۇرىن مەن پارتياعا نەمقۇرايلى قارايتىنمىن. پارتيالىق كادرلىق رەزەرۆكە ىرىكتەۋ باستاماسى مەنىڭ قىزىعۋشىلىعىمدى تۋعىزدى. ءبىزدىڭ اۋداننان عانا 61 ۇمىتكەر قاتىستى، ولاردىڭ ىشىندە مەن دە بارمىن. ءبىز جەتى اۋىلدا بولىپ، تۇرعىندارمەن كەزدەسىپ، ولاردىڭ پروبلەماسىن تىڭدادىق. ەندى ونى شەشۋدىڭ جولىن بىرگە ويلاستىرامىز»، - دەدى بەرىك بايمۇراتوۆ.
پىكىر قالدىرۋ