2019 جىل جاستار جىلى دەپ بەلگىلەندى. ەلباسى جاستار ساياساتىن دامىتۋ مەملەكەتتىك اپپارات قىزمەتىنىڭ ءبىر باعىتى بولۋى ءتيىس ەكەندىگىن اتاپ ءوتتى. وسىلايشا، وسكەمەندە شقو جاستار ءماسليحاتىنىڭ 4 وتىرىسى وتكىزىلدى.  

وتىرىس بارىسىندا جاستار ءماسليحاتى كەلەسىدەي سۇراقتاردى قاراستىردى:

1. «شىعىس قازاقستان وبلىسى جاستار ءماسليحاتىنىڭ قىزمەتى تۋرالى». اعىمداعى جاعدايعا تالداۋ جاساۋ. اتقارىلعان جۇمىس بويىنشا ەسەپ بەرۋ. جاستار ءماسليحاتىنىڭ وبلىس قالالارى مەن اۋداندارىنداعى جۇمىسى. كەلەلى ماسەلەلەر. جاستار ءماسليحاتىنىڭ دامۋ كەلەشەگى. وبلىس قالالارى مەن اۋداندارىندا جاستارمەن جۇمىس ىستەۋدىڭ ادىستەرى مەن فورمالارى»؛
2. «جاستار ءماسليحاتى دەپۋتاتتارىنىڭ قازاقستانداعى جاستار جىلى اياسىندا ۇيىمداستىرىلاتىن ءىس-شارالارعا قاتىسۋى. ۇسىنىستار ازىرلەۋ جانە جاستار ءماسليحاتىنىڭ يميدجدىك جوبالارىن تالقىلاۋ»؛
3. «جاستاردىڭ كوكەيتەستى ماسەلەلەرىن شەشۋ بويىنشا ءتيىمدى شارالاردى قابىلداۋ. جاستار ءماسليحاتى دەپۋتاتتارىنىڭ قاتىسۋىمەن وڭتايلى شەشىمىن تاپقان ماسەلەلەردىڭ ۇلگىلەرى. قالا جانە اۋدان ماسليحاتتارىمەن ءوزارا ارەكەتتەسۋ»؛
4. «ۆولونتەرلار جىلىن ەسكەرە وتىرىپ، شىعىس قازاقستان وبلىسى جاستار ءماسليحاتىنىڭ 2020 جىلعا ارنالعان وبلىستىق جۇمىس جوسپارىن قۇرۋ».

سونىمەن قاتار، وتىرىستار بارىسىندا جاستار ءماسليحاتىنىڭ الداعى جۇمىس جوسپارى تالقىلاندى.

شقو جاستار ءماسليحاتى 2017 جىلدان بەرى قىزمەت ەتۋدە. ونىڭ باستى ماقساتى جاستاردى توپتاستىرا بىلەتىن قاۋقارلى ءارى بەدەلدى ساياسي ۇيىم قۇرۋ بولىپ تابىلادى.