وسكەمەن قالاسىندا «جەرگىلىكتى جەردە جاستار ساياساتىن جۇزەگە اسىرۋدى باعالاۋ جانە مونيتورينگ جۇرگىزۋ» ترەنينگى وتكىزىلدى.
ترەنينگ «كاتاليزاتور پروگرەسى» جەكە قورىمەن شىعىس قازاقستان وبلىسىنىڭ ىشكى ىستەر باسقارماسىنىڭ مەملەكەتتىك تاپسىرىسى اياسىندا ۇيىمداستىرىلدى.
سەميناردا قالالىق جانە اۋداندىق جاستار رەسۋرستىق ورتالىقتارى قىزمەتكەرلەرى، جاستار ۇيىمدارىنىڭ وكىلدەرى جانە اكتيۆيستەر قاتىستى.
ترەنينگتى جۇرگىزۋگە «جاستار» عىلىمي زەرتتەۋ ورتالىعى جانىنداعى ۇلتتىق ترەنەرلەر پۋلىنىڭ سەرتيفيكاتتالعان ترەنەرلەرى شاقىرىلدى:
- ۋزاروۆا لۋيزا ماگامەدوۆنا، «جاستار» عزو ديرەكتورى؛
- سىزدىكوۆا ايدا امانوۆنا، «جاستار» عزو جاستار اراسىندا «رۋحاني جاڭعىرۋ» قۇندىلىقتارىن ەنگىزۋ ورتالىعىنىڭ جەتەكشى ساراپشىسى.
ترەنينگ باعدارلاماسى جاستارمەن جۇمىس جاسايتىن مامانداردىڭ بىلىكتىلىگىن ارتتىرۋعا، جاستار ساياساتى سالاسىنداعى ينستيتۋتتاردىڭ بىرىگىپ جۇمىس ىستەۋىنە جاعداي جاساۋعا جانە جاستار ورتاسىنداعى ءوزىن-وزى باسقارۋ ۇدەرىستەرىن بەلسەندى قىلۋعا باعىتتالعان. ترەنەرلەر قاتىسۋشىلاردى مەملەكەتتىك جاستار ساياساتىنىڭ ۇعىمدىق ورىسىمەن، قازاقستانداعى جاس ازاماتتىڭ بەينەسىمەن، جاستار ساياساتىنىڭ ينديكاتورلارى، جاستار بەلسەندىلىگىن ىنتالاندىرۋ ادىستەرى جانە جاستارمەن جۇمىستىڭ قاعيدالارىمەن تانىستىردى. سونىمەن قاتار جاستار ساياساتىنىڭ سۇرانىمدارىن باعالاۋ مەن جاستارمەن ءتيىمدى قارىم-قاتىناس ورناتۋ جولدارى تۋرالى ءبىلىم بەردى.
وقۋ باعدارلاماسى اياسىندا توپپەن فورمالدى ەمەس جۇمىس جاسالدى. ال جۇمىس ءبىلىمدى ارنايى جاتتىعۋلار مەن بەيرەسمي ءبىلىم بەرۋدىڭ تەحنيكالارى كومەگىمەن ەمپيريكالىق تاجىريبە ارقىلى الۋعا باعىتتالعان.
پىكىر قالدىرۋ