«ءبىزدىڭ ۇرپاق» ۇەۇ-نىڭ كەزەكتى وتىرىسىندا وسكەمەندىك بەلسەندى زەينەتكەرلەر 8 رەت ەڭ بەدەلدى حالىقارالىق ناگرادا، نوبەل سىيلىعىنا نۇرسۇلتان نازاربايەۆتىڭ كانديداتۋراسىن ۇسىنۋعا شەشىم قابىلدادى دەپ جازادى Qamshy.kz اقپارات اگەنتتىگى m.ustinka.kz سايتىنىڭ دەرەگىن نەگىزگە الىپ. 

"ءبىز بۇل شەشىمگە ءبىراۋىزدان داۋىس بەردىك. ءبىزدى وسكەمەن قالاسىنىڭ اكىمى جاقسىلىق ومار دا قولدادى. تۇڭعىش پرەزيدەنتىمىزگە سەمەي يادرولىق پوليگونىنىڭ جابىلۋى جانە ونىڭ بەيبىت باستامالارى ءۇشىن ريزاشىلىق بىلدىرگەندەردىڭ بارلىعىنا قوسىلىڭىزدار. قازاقستاننىڭ تۇڭعىش پرەزيدەتى ەلدىڭ دامۋىنا بارىن سالدى جانە شىنايى ناتيجەگە جەتتى. بۇدان بولەك، ول الەمدىك دامۋعا دا ۇلەسىن قوستى. جاپونيا پارلامەنتى نازاربايەۆ پرەزيدەنت بولىپ جۇرگەندە يادرولىق قارۋدان باس تارتۋعا زور ەڭبەك سىڭىرگەنىن جاقسى بىلەدى. سوندىقتان مەن جانە مەنىڭ ارىپتەستەرىم، جاپون ساياساتكەرلەرى ايتقانداي، بەيبىتشىلىك ءۇشىن كۇرەسكەن ۇلى ادامعا – قازاقستاننىڭ تۇڭعىش پرەزيدەنتىنە نوبەل سىيلىعىن بەرۋ تۋرالى ۇسىنىس ايتامىز"، - دەدى قوعامدىق بەلسەندىلەر ءتورايىمى مارينا سولوۆيەۆا.

ايتا كەتسەك، نۇرسۇلتان نازاربايەۆتى وسىمەن سەگىزىنشى رەت نوبەل سىيلىعىنا ۇسىنىپ وتىر.