مەملەكەت باسشىسى قاسىم-جومارت توقايەۆ كەلەر جىلى باستالاتىن ەرىكتىلەر جىلىنا وراي ولاردىڭ قىزمەتىن اتاپ كورسەتتى دەپ جازادى Qamshy.kz اقپارات اگەنتتىگى. 

 1.ۆولونتەرلەر بالالار ۇيلەرىندەگى بالالاردى قامقورلىقتارىنا الادى. «ساۋلىق» باعىتى ارقىلى مەديسينالىق ۆولونتەرلىك دامىپ، ناۋقاستارعا قامقورلىق كورسەتىلەدى.

2.«تازا الەم» جوباسى - بۇل قورشاعان ورتانى قورعاۋ، وزەندەر مەن ورمانداردى تازالاۋ، اعاش وتىرعىزۋ، قوقىستى سۇرىپتاۋعا ۇيرەتۋ.

3. «اسىل مۇرا» باعىتى ۆولونتەرلەردى حالقىمىزدىڭ ماتەريالدىق جانە رۋحاني مادەني-تاريحي مۇراسىن ساقتاۋعا تارتادى.
4. «قامقور» باعىتى ەرىكتىلەردىڭ قارتتار ۇيلەرىندە جۇمىسىنا باعىتتالعان.
5. «ءبىلىم» - بۇل اۋىل مەكتەپتەرىنىڭ جوعارى سىنىپ وقۋشىلارىن ۇبت-عا دايىنداۋ، اعىلشىن ءتىلى مەن كومپيۋتەرلىك ساۋاتتىلىققا وقىتۋ.
6. «ءۇمىت» جوباسىن ەكىنشى دۇنيەجۇزىلىك سوعىستاعى جەڭىستىڭ 75 جىلدىعىنا وراي وتانداستارىمىزدىڭ ەرلىكتەرىن پاش ەتەتىن قۇجاتتاردى ىزدەۋگە باعدارلاۋعا بولادى.

جاستار جىلىنىڭ جابىلۋ جانە ۆولونتەر جىلىنىڭ اشىلۋ سالتاناتىندا مەملەكەت باسشىسى قاسىم-جومارت توقايەۆ ەرىكتىلەردىڭ ساعاتتارى ەڭبەك وتىلىنە ەسەپتەلۋى قاجەتتىگىن دە  اتاپ ايتتى.