مۇحتار اۋەزوۆ اتىنداعى قازاق مەملەكەتتىك اكادەميالىق دراما تەاترىنىڭ رەپەرتۋارى جاڭا قويىلىممەن تولىقتى دەپ جازادى Qamshy.kz اقپارات اگەنتتىگى تەاتردىڭ باسپا ءسوز قىزمەتىنىڭ دەرەگىن نەگىزگە الىپ. 12-13 جەلتوقساندا كورنەكتى جازۋشى-دراماتۋرگ ورالحان بوكەيدىڭ «قار قىزى» پوۆەسىنىڭ جەلىسىندە قويىلعان، رەجيسسەر جۇلدىزبەك جۇمانبايدىڭ «قار قىزى» سپەكتاكلىنىڭ پرەمەراسى وتەدى.
پرەمەرا قارساڭىندا جۋرناليستەرگە ارنالعان باسپا ءسوز كونفەرەنسياسى وتەدى. قازاقستان جازۋشىلار وداعى، الماتى قالالىق اكىمشىلىك جانە تەاتردىڭ ۇيىمداستىرۋىمەن ورالحان بوكەيگە ارنالعان گاللەرەيا جانە تەاترىمىزدىڭ «مۋزەي» ءبولىمىنىڭ ۇيىمداستىرۋىمەن «قار قىزى» سپەكتاكلىندە وينايتىن ارتيستەردىڭ گاللەرەياسى كورەرمەنگە ۇسىنىلادى. سونىمەن قاتار، «سىرلاسۋ» بۇرىشىندا اقىن، دراماتۋرگ، حالىقارالىق «الاش» ادەبي سىيلىعىنىڭ، «باۋىرجان مومىش ۇلى اتىنداعى قىزىل جۇلدىز» وردەنىنىڭ يەگەرى باقىت بەدەلحانمەن پوەزيا كەشىنىڭ فورماتىندا سىر-سۇحبات وتەدى.
پىكىر قالدىرۋ