«ەگەر باسەكەدە  جەڭىمپاز اتانعان جاعدايدا، رەسەيدىڭ ۇلتتىق تۋى جەلبىرەپ، ءانۇرانى ورىندالمايتىن بولسا، وندا بوكسشىلار  جارىسقا قاتىسۋدان باس تارتادى». بۇل تۋرالى رەسەي بوكس فەدەراسياسىنىڭ باس حاتشىسى  ۋمار كرەمليەۆ ءمالىم ەتتى.

ەسكەرتەي كەتەيىك، دۇيسەنبى كۇنى بۇكىلالەمدىك دوپينگكە قارسى اگەنتتىگىنىڭ اتقارۋشى كوميتەتى (WADA) رەسەي اتلەتتەرىن ءىرى حالىقارالىق جارىسقا قاتىستىرۋدان باس تارتقانى بەلگىلى. اتقارۋشى كوميتەتتىڭ ۇيعارىمىنا وراي ولميپيادالىق، پاراوليمپيادالىق جانە الەم چەمپيوناتتارىنا تەك قانا دوپينگتەن ادا رەسەي سپورتشىلارى بارا الادى. ەگەر ولار قاتىسقان جاعدايدا رەسەي تۋى كوتەرىلىپ، جەڭىمپازدىڭ قۇرمەتىنە ورىستىڭ ءانۇرانى وينالمايدى. سونىمەن قاتار، الداعى ءتورت جىلدا رەسەي جەرىندە ەشقانداي  ءىرى حالىقارالىق جارىستار وتكىزىلمەيدى.

–وسىعان بايلانىستى ءقازىر ءبىزدىڭ سپورت سالاسىنا قاتىستى اتقارۋشى بيلىك قارسى تالاپ ارىزدى ءتۇسىرۋدى جوسپارلاپ وتىر. ءالى دە بولسا، ءبىز ماسەلەنىڭ دۇرىس شەشىلۋىن قولدايمىز جانە ول ءۇشىن كۇرەسەمىز.. ءبىراق ۇلتتىق تۋسىز جانە ءانۇرانسىز جارىسقا قاتىسا المايمىز. ونسىز باسەكەگە قاتىسۋدىڭ ەش ءمانى جوق،–دەپ مالىمدەدى رەسەي بوكس فەدەراسياسىنىڭ باس حاتشىسى  ۋمار كرەمليەۆ.

ەسكەرتە كەتەتىن ءبىر جايت، رەسەي بوكس فەدەراسياسى 2020 جىلى چەليابينسكىدە ەۋروپا چەمپيوناتىن جانە الەم كۋبوگىن وتكىزۋ جونىندە ءوتىنىش جولداعانى بەلگىلى. ءبىراق بۇل ءوتىنىش قابىلدانا ما، جوق پا، ول جاعى ءالى بەيمالىم.