بۇل تۋرالى قدپ باستاماشىسى جانبولات ماماي ءوزىنىڭ «فەيسبۋك» جەلىسىندە مالىمدەدى دەپ حابارلايدى «Qamshy.kz» اقپارات اگەنتتىگى.

«16 جەلتوقسان كۇنى بەيبىت شەرۋگە قاتىسقان جانە وعان قاتىسۋى مۇمكىن دەگەن «ايىپپەن» بىرنەشە تاۋلىككە اكىمشىلىك قاماۋعا الىنعان ازاماتتاردى قولداۋعا شاقىرامىن! ولار وزدەرىنىڭ كونستيتۋسيالىق قۇقىعىن پايدالانىپ، بەيبىت ميتينگىگە شىقتى. وسى ءۇشىن بيلىك بۇلاردى قۋدالاپ جاتىر. وسىنداي جاعدايدا ءبىر-بىرىمىزدى قولداۋ، قورعاۋ – ەلدە وزگەرىس جاساعىسى كەلەتىن ءاربىر ازاماتتىڭ مىندەتى، پارىزى دەپ سانايمىن. ءدال ەرتەڭ سولارعا قولداۋ ءبىلدىرىپ، بۇل ازاماتتارعا قولدان كەلگەنشە ازىق-تۇلىك اپارۋعا شاقىرامىن. ساعات 12:00-دە سول جەردە كەزدەسەيىك!» – دەپ ۇندەۋ تاستاعان قدپ باستاماشىسى.

سونىمەن بىرگە، ول قاماۋدا وتىرعان ازاماتتاردىڭ دا تىزىمدىگىن قوسا جاريالاعان. (جەكە كۋالىك بويىنشا بەرىلسە كەرەك – رەد.) ولاردىڭ ءتىزىمى:

اسحات جەكسەبايەۆ، قانات دجاكۋپوۆ، مۋراتوۆ داۋلەت، تاسىبەكوۆ شالكار، ايتبايەۆ مارات، ۆالييەۆ دارحان، كۋربانوۆ مارات، كالييەۆ نۋرلان، راحيمجانوۆ نويان، نۋرلان ەسەنوۆ، سابانشييەۆ ەركين، ەسجانوۆ جەنيس، نۋرباي رايىمبەك، كەمەلبايەۆ نۋرلان، شينيبەكوۆ اسحات، ۋتەۋلوۆ كاسىمحان.

ەسكەرتە كەتەرلىگى، قوعام بەلسەندىسىنىڭ ايتۋىنشا، باقىلاۋداعى ازاماتتارعا كەرەكتى زاتتار ساعات 12-دەن 13-كە دەيىن عانا قابىلدانادى. ازىق-تۇلىكتەن مىناداي زاتتار بەرۋگە بولادى: شاي، قانت، نان، سۋسىندار (اشىلماعان)، كامپيتتەر، پەچەنە، الما، ليمون جانە باسقا دا جەمىستەر، تەمەكى. ىستىق تاماقتى قابىلدامايدى.

مەكەن-جايى: الماتى قالاسى، لوباچيەۆسكيي  كوشەسى، 10.