ۇكىمەت قازاقستانعا دۇنيەجۇزىلىك ەكسپو كورمەسىنە قاتىسۋ ءۇشىن 8،8 ميلليارد تەڭگە بولەدى. قازاقستان رەسپۋبليكاسىنىڭ قارجى ءمينيسترى ءاليحان سمايىلوۆ 2020 جىلى دۋبايدا وتەتىن كورمەگە ەلىمىزدىڭ قاتىسۋى قانشالىقتى ماڭىزدى ەكەنىن ءتۇسىندىردى.
"بىرىنشىدەن، مەملەكەت نەگىزگى كاپيتالعا سالىناتىن ينۆەستيسيالار كولەمىن، ونىڭ ىشىندە تىكەلەي شەتەلدىك ينۆەستيسيالار كولەمىن 2025 جىلعا قاراي 24 ملرد. دوللاردان 34 ملرد. دوللارعا دەيىن ۇلعايتۋ ماقساتىن قويىپ وتىر. ياعني، ءبىز جىل سايىن قازاقستانعا تارتىلاتىن شەتەلدىك ينۆەستيسيالار كولەمىندە قوسىمشا 10 ملرد. دوللاردى كوبەيتۋدى جوسپارلاپ وتىرمىز. بۇل ءۇشىن دۋبايدا كەلەسى جىلدىڭ 6 ايىندا، 2020 جىلدىڭ 20 قازانىنان 2012 جىلدىڭ 10 ساۋىرىنە دەيىن وتەتىن دۇنيەجۇزىلىك كورمەگە قاتىسۋ وتە ماڭىزدى"، - دەدى سمايىلوۆ.
ونىڭ ايتۋىنشا، التى ايدىڭ ىشىندە بۇكىل الەمنىڭ ينۆەستورلارى دۇنيەجۇزىلىك كورمەنىڭ ەكسپوزيسياسىنا بارادى.
- "مۇمكىندىكتەرا" تاقىرىپتىق كلاستەرىندە قازاقستاننىڭ ۇلتتىق پاۆيلونى بولادى، وعان الەمنىڭ ءار ءتۇرلى ينۆەستورلارى قاتىسادى. قازاقستاننىڭ ۇلتتىق پاۆيلونىن سالۋعا جانە ونىڭ جۇمىس ىستەۋىن قامتاماسىز ەتۋگە 8،8 ملرد. تەڭگە (22 ملن. اقش دوللارى) ءبولىندى. ەگەر ءبىزدىڭ پاۆيلونعا بارۋ ناتيجەسىندە قازاقستانعا قوسىمشا شەتەلدىك ينۆەستيسيالار تۇسسە، بولىنگەن اقشا جاڭا وندىرىستەر قۇرۋ ارقىلى، جاڭا جۇمىس ورىندارى مەن بيۋدجەتكە تۇسەتىن قوسىمشا سالىقتار ارقىلى بىرنەشە رەت قايتارىلادى. سوندىقتان وعان قاتىسۋ وتە ماڭىزدى - دەدى سمايلوۆ.
