بۇگىن، 26 جەلتوقساندا قازاقستاننىڭ ادىلەت مينيسترلىگى "قازاقستاننىڭ دەموكراتيالىق پارتياسىن" قۇرعىسى كەلەتىن باستاماشىل توپتى تىركەدى. بۇل تۋرالى Qamshy.kz اقپارات اگەنتتىگىنىڭ تىلشىسىنە باستاماشىل توپ جەتەكشىسى جانبولات ماماي ايتتى.
مامايدىڭ ايتۋىنشا، باستاماشىل توپ بۇگىن ادىلەت مينيسترلىگىنە 1120-دان استام ادامنىڭ قولى قويىلعان قۇجات تاپسىرعان. ادىلەت مينيسترلىگى قۇجاتتى تەكسەرىپ، ولاردى تىركەۋ تۋرالى شەشىم شىعارعان.
- ادىلەت مينيسترلىگى دەمپارتيا قۇرعىسى كەلەتىن ۇيىمداستىرۋشى كوميتەتتى تىركەدى. ەندى ءبىزدىڭ باستاماشىل توپ ەكى ايدىڭ ىشىندە قۇرىلتاي سەزد وتكىزۋ كەرەك. سودان كەيىن ءتورت ايدىڭ ىشىندە قول جيناۋ قاجەت. قازىرگى زاڭعا سايكەس، ساياسي پارتيانى تىركەۋ ءۇشىن كەمى 40 مىڭ ادامنىڭ قولى بولۋى شارت، – دەدى ماماي.
16 قازاندا جۋرناليست، بەلسەندى جانبولات ماماي، ساياساتكەر تولەگەن جۇكەيەۆ، جۋرناليست سەرگەي دۋۆانوۆ الماتىدا باسپا ءسوز جيىنىن وتكىزىپ، "قازاقستاننىڭ دەموكراتيالىق پارتياسىن" قۇراتىندارىن مالىمدەگەن ەدى. ولار سول كەزدە پارتيا قۇرۋداعى ماقساتتارى "قازاقستاندا ساياسي رەفورما جۇرگىزۋ. ساياسي تۇتقىنداردىڭ بوستاندىعىنا قول جەتكىزۋ" ەكەنىن ايتقان.
دەموكراتيالىق باعىتتاعى پارتيا قۇرعىسى كەلەتىن باستاماشىل توپ وكىلدەرى ايماقتارداعى جاقتاستارىمەن كەزدەسۋ بارىسىندا ءتۇرلى قىسىمعا ۇشىراعاندارىن ايتىپ ءجۇردى.
ءقازىر قازاقستاندا مەملەكەتتىك تىركەۋدە 7 پارتيا بار. ونىڭ ۇشەۋى - "نۇر وتان"، "اق جول"، جانە "كوممۋنيستىك حالىقتىق پارتيانىڭ" وكىلدەرى قازاقستان پارلامەنتىندە وتىر.
♦وقي وتىرىڭىز: جانبولات ماماي: توقايەۆ تا، نازاربايەۆ تا پوپۋليزممەن اينالىسىپ وتىر
پىكىر قالدىرۋ