بۇگىن تاڭەرتەڭ الماتى اۋەجايىندا قۇلاعان Bek Air رەسمي مالىمدەمە جاسادى دەپ جازادى Qamshy.kz اقپارات اگەنتتىگى. 

"قۇرمەتتى قازاقستاندىقتار! "BEK AIR" اتىنان ءبىز قايعىلى وقيعاعا بايلانىستى شىن جۇرەكتەن كوڭىل ايتامىز. قازىرگى ۋاقىتتا ءبىز اپات بولعان ايماقتا قۇتقارۋ جۇمىستارىن جۇرگىزىپ جاتقان قىزمەتشىلەردەن رەسمي اقپارات كۇتىپ وتىرمىز. سوندىقتان ءبىز سىزدەردەن ءانونيمدى حابارلامالارعا سەنبەۋلەرىڭىزدى وتىنەمىز. ويتكەنى ولار الاياقتىق ماقساتتا جاڭساق اقپاراتتار تاراتۋى مۇكىن.رەسمي اقپاراتتى كۇتە تۇرىڭىز"، - دەلىنگەن حابارلامادا.

جۇما كۇنى تاڭعى ۋاقىتتا الماتىدان نۇر-سۇلتان قالاسىنا ۇشىپ شىققان ۇشاق راداردان جوعالىپ كەتكەنى حابارلانعان. اۋەجاي باسپا ءسوز قىزمەتىنىڭ مالىمەتىنشە،  الماتىدان نۇر-سۇلتان قالاسىنا 2100 رەيسىمەن 07:05-تە ۇشىپ،  راداردان جوعالىپ كەتكەن «Bek Air» اۋە كومپانياسىنىڭ ۇشاعىنىڭ بورتىندا 95 جولاۋشى جانە 5 ەكيپاج مۇشەسى بولعان. سوڭعى اقپارات بويىنشا، قازا تاپقاندار سانى 15-كە جەتكەن. ولاردىڭ 14ء-ى اپات بولعان ورىندا قازا تاپسا، بىرەۋى اۋرۋحانادا كوز جۇمعان.