يندۋستريا جانە ينفراقۇرىلىمدىق دامۋ مينيسترلىگىنىڭ باسپا ءسوز قىزمەتى قازا تاپقان Bek Air ۇشاعىنىڭ ەكيپاج مۇشەلەرىنىڭ اتى-جوندەرىن اتادى دەپ جازادى Qamshy.kz اقپارات اگەنتتىگى. 

ۆەدومستۆو باسپا ءسوز قىزمەتىنىڭ مالىمەتىنشە، ەكيپاجدا ۇشاقتىڭ 58 جاستاعى كاپيتانى مارات مۇراتبايەۆ، 1965 جىلى تۋعان ەكىنشى ۇشقىش مەيىرجان مولداقۇلوۆ،  بورتسەرىكتەر – م. ۆاليۋلينا، م. ساحوۆ، ر. وسمانوۆ بولعان.  ۇشاق كاپيتانى    مارات مۇراتبايەۆ قازا تاپقان.

بۇگىن، 27 جەلتوقساندا تاڭعى ۋاقىتتا الماتىدان نۇر-سۇلتان قالاسىنا ۇشىپ شىققان ۇشاق راداردان جوعالىپ كەتكەنى حابارلانعان. اۋەجاي باسپا ءسوز قىزمەتىنىڭ مالىمەتىنشە،  الماتىدان نۇر-سۇلتان قالاسىنا 2100 رەيسىمەن 07:05-تە ۇشىپ،  راداردان جوعالىپ كەتكەن «Bek Air» اۋە كومپانياسىنىڭ ۇشاعىنىڭ بورتىندا 95 جولاۋشى جانە 5 ەكيپاج مۇشەسى بولعان. سوڭعى اقپارات بويىنشا، قازا تاپقاندار سانى 15-كە جەتكەن. ولاردىڭ 14ء-ى اپات بولعان ورىندا قازا تاپسا، بىرەۋى اۋرۋحانادا كوز جۇمعان. 

قازاقستان پرەزيدەنتى قاسىم-جومارت توقايەۆ الماتىداعى ۇشاق اپاتىنا بايلانىستى 28 جەلتوقساندى ۇلتتىق ازا تۇتۋ كۇنى دەپ جاريالادى.