بۇگىن رەسەي فەدەراسياسىنىڭ پرەزيدەنتى ۆلاديمير پۋتين فەدەرالدىق جيىن (پارلامەنت) الدىندا ۇندەۋ تاستاپ، بيلىكتىڭ جاڭا كونفيگۋراسياسىن جاساۋدى ۇسىندى. ارتىنشا، پرەمەر-مينيستر دميتريي مەدۆەديەۆ ءوزىنىڭ جانە ۇكىمەتتىڭ دوعارىسقا كەتەتىنىن ءمالىم ەتتى، دەپ جازادى rbc.ru سايتى.
مەدۆەديەۆ مۇنداي شەشىمگە كەلۋ سەبەبىن "پرەزيدەنتكە باستاماسىن جۇزەگە اسىرۋىنا بارلىق مۇمكىندىكتى بەرگىم كەلەدى" دەپ ءتۇسىندىردى.
پرەزيدەنت ۇكىمەت دوعارىسىن قابىلداپ، مينيسترلەر كابينەتىنە العىس ايتا وتىرىپ، جاڭا كابينەت جاساقتالعانعا دەيىن قىزمەتتەرىن اتقارا تۇرۋىن سۇرادى. ەل كونستيتۋسياسىنا ساي، پرەزيدەنت ۇكىمەتتىڭ جاڭا قۇرامىن ەكى اپتا ىشىندە جاساقتاۋى ءتيىس.
پۋتين مەدۆەديەۆكە ءالى پايدا بولماعان لاۋازىم - قاۋىپسىزدىك كەڭەسى ءتوراعاسىنىڭ ورىنباسى، ياعني ءوزىنىڭ ورىنباسارى بولۋدى ۇسىندى. ال پرەمەر-مينيستر قىزمەتىنە فەدەرالدىق سالىق قىزمەتىنىڭ باسشىسى ميحايل ءمۋشۋستيننىڭ ۇمىتكەرلىگىن ۇسىندى. سوڭعىسى ۇمىتكەرلىككە قارسىلىق بىلدىرگەن جوق.
مەملەكەتتىك دۋما ءمۋشۋستيننىڭ كانديداتۋراسىن ەرتەڭ قاراستىرادى.
پىكىر قالدىرۋ