يسپانيادا سلاۆاكيانىڭ الماتىداعى ەكس-كونسۋلى، بيزنەسمەن مارات سابالاقوۆتىڭ ءولى دەنەسى تابىلدى. بۇل تۋرالى يسپانيانىڭ Diarioinformacion.com جانە El Dia باسىلىمدارى جازدى.
ولاردىڭ جازۋىنشا، بيزنەسمەننىڭ دەنەسى يسپانياداعى ۆيللالاردىڭ ءبىرىنىڭ اۋماعىنداعى باقتان تابىلعان. ب ا ق ەر ادام بۇرىن اۋىرعانىن اتاپ ءوتتى.
باستاپقىدا زورلىقپەن ولتىرگەن دەگەن بولجام جاسالدى، ويتكەنى ءمايىتتىڭ جانىنان عانا ەمەس، ۇيدەن دە قان ىزدەرى تابىلعان. دەگەنمەن سابالاقوۆ دەنساۋلىعىنا بايلانىستى ەسىنەن تانىپ قۇلاپ، باسىن جارىپ الۋى ابدەن مۇمكىن، دەپ جازدى جەرگىلىكتى باسىلىم.
سابالاقوۆتىڭ ولىمىنە نە سەبەپ بولعانىن انىقتاۋ ءۇشىن ونىڭ دەنەسى اليكانتە قالاسىندا ورنالاسقان زاڭ مەديسيناسى ينستيتۋتىنا جولداندى. وندا ماماندار ءمايىتتى اشىپ، بىرنەشە ساراپتاما جۇرگىزەدى.
قازاقستاننىڭ سىرتقى ىستەر مينيسترلىگى ەلدەگى باق-تارعا سابالاقوۆتىڭ ولىمىنە قاتىستى "يسپانيا پوليسياسى قازاقستان ازاماتى قايتىس بولعانىن حابارلادى. ءقازىر كونسۋل بارلىق ءمان-جايدى انىقتاۋ ءۇشىن وقيعا ورنىنا اتتانىپ كەتتى" دەپ تۇسىنىكتەمە بەرگەن.
53 جاستاعى مارات سابالاقوۆ AS Invest Group كومپانياسىنىڭ پرەزيدەنتى بولعان. 2015 جىلدىڭ قاراشا ايىندا سابالاقوۆ سلوۆاكيانىڭ الماتىداعى قۇرمەتتى كونسۋلى قىزمەتىنە تاعايىندالدى.
پىكىر قالدىرۋ