پاۆلودار وبلىسى اكىمىنىڭ ورىنباسارى ارىستان قابيكەنوۆ جۇمىس كابينەتىندە جۋرناليستەرمەن كەزدەسىپ، ونىڭ ۇستالعانى تۋرالى تاراعان اقپاراتقا قاتىستى تۇسىنىك بەردى، دەپ حابارلايدى Qamshy.kz اقپارات اگەنتتىگى tengrinews.kz سايتىنىڭ دەرەگىن نەگىزگە الىپ.

"شىنىمدى ايتسام، مەن شوك جاعدايىندا بولدىم. "ب ا ق تۋرالى" زاڭ اياسىندا نەمەسە ادامگەرشىلىك تانىتىپ مەن جايلى جازىلعان اقپاراتتاردى تەرىستەۋىن سۇرايمىن. كورىپ تۇرعاندارىڭىزداي، مەن جۇمىس ىستەپ وتىرمىن. بىردەڭە بولادى دەگەن ويىم تۇگىل تۇسىمە كىرگەن ەمەس. اكەم قوڭىراۋ شالىپ، جاعدايدى ايتقاندا جاعامدى ۇستادىم. تاعى دا ايتامىن، مەن جۇمىستامىن. كەشە تۇركيالىق ينۆەستورلارمەن كەزدەسىپ، جوبانىڭ جاي-جاپسارىن تالقىلادىق" دەگەن ول جۇمىس رەجيمى ەش اۋىتقىماستان ءجۇرىپ جاتقانىن ايتتى.

كەشە كەشكە الەۋمەتتىك جەلىلەردە پاۆلودار وبلىسى اكىمى بولات باقاۋوۆتىڭ ۇستالعانى تۋرالى اقپارات تارادى. 

ارتىنشا، باقاۋوۆ ەمەس، ونىڭ ورىنباسارى ارىستان قابيكەنوۆتىڭ ۇستالعانى حابارلاندى.

بۇگىن پاۆلودار وبلىسىنىڭ اكىمى بولات باقاۋوۆ جۇمىسقا شىقتى دەلىندى.