مايك پومپەونىڭ قازاقستانعا ساپارىنىڭ ماقساتى ىنتىماقتاستىقتى نىعايتۋ ما، الدە امەريكالىق ويىن ەرەجەلەرىن ناسيحاتتاۋ ما؟ مۇنداي ساۋالدى  مگيمو تالداۋ ورتالىعىنىڭ ديرەكتورى، ساياسي عىلىمداردىڭ دوكتورى اندرەي كازانسيەۆ قويدى.

اقش-تىڭ مەملەكەت حاتشىسى مايك پومپەو تمد ەلدەرىنە ساپارىن باستاعان. ول بۇگىنگە دەيىن ۋكراينا مەن بەلارۋس ەلدەرىندە بولىپ، كەلەسى ءىس ساپارىن قازاقستاندا جالعاستىرماقشى.

مينسكىدە ايالداعان ۋاقىتىندا پومپەو بەلارۋس پەن رەسەيدىڭ مىعىم قارىم-قاتىناسى تۋرالى ءسوز ەتىپ، ۋكراينادان مىقتى قولداۋ كۇتەتىنى تۋرالى ايتتى.

امەريكالىق ديپلومات 1-2 اقپاندا نۇر- سۇلتان قالاسىندا بولىپ، پرەزيدەنت قاسىم- جومارت توقايەۆ جانە قاۋىپسىزدىك كەڭەسىنىڭ ءتوراعاسى نۇرسۇلتان نازاربايەۆپەن كەزدەسۋ وتكىزەدى.

– امەريكا قۇراما شتاتتارى قازاقستاندى ءوزىنىڭ وداقتاسى ەتۋگە تىرىسۋدا، – دەيدى اندرەي كازانسيەۆ.

– امەريكا قۇراما شتاتتارى ءوز پوزيسياسىن نىعايتۋعا ارەكەت ەتۋدە. رەسەي مەن جۇڭگو ورتالىق ازيا ەلدەرىنىڭ ەكونوميكاسى مەن ساياساتىندا ماڭىزدى ءرول اتقارادى. اقش قازاقستان مەن وسى ەلدەردىڭ سەرىكتەستىك دەڭگەيى ولارعا قاراعاندا جوعارى ەكەنىن جاقسى بىلەدى، –دەدى كازانسيەۆ.

پومپەو ەل باسشىلىعىمەن جانە سىرتقى ىستەر ءمينيسترى مۇحتار تىلەۋبەردىمەن ەكىجاقتى جانە ايماقتىق ىنتىماقتاستىق پەن جاھاندىق كۇن تارتىبىندەگى ماسەلەلەردى تالقىلايتىندىعىن رەسمي تۇردە حابارلادى.

جەلتوقسان ايىندا مەملەكەتتىك حاتشى پومپەو ۆاشينگتوندا قازاقستاننىڭ سىرتقى ىستەر ءمينيسترى مۇحتار تىلەۋبەردىنى قابىلداعان.

پومپەونىڭ 5 قاڭتاردا قازاقستانعا مەملەكەتتىك ءىس ساپارى جوسپارلانعان، ءبىراق اقش-تىڭ يراكتاعى ەلشىلىگىندە بولعان وقيعالارعا بايلانىستى ءىس ساپار ۋاقىتى وزگەرگەن.