بۇل تۋرالى ادىلەت مينيسترلىگى جانىنداعى قوعامدىق كەڭەستىڭ ءتوراعاسى، بۇرىنعى سەناتور سەرىك اقىلباي ايتتى.

ونىڭ بۇلايشا "شىر" ەتە قالۋىنا ادىلەت مينيسترلىگىنىڭ پارتيالىق تىزىمدەگى ايەلدەر مەن جاستارعا 30% كۆوتا ۇسىنۋى سەبەپ بولعان. ياعني، تىزىمدە "جاستار" دەگەن ءسوز انىق كورسەتىلگەن. زاڭعا سايكەس، 29 جاسقا دەيىنگى ادامدار ەلدە جاس بولىپ ەسەپتەلەتىنى بەلگىلى.

وسىلايشا، تاعى ءبىر داۋدىڭ باسىن بۇرق ەتكىزگەن بۇرىنعى سەناتور 29 جاستاعى ازامات ءالى ءومىر كورمەگەن بالا ەكەنىن ايتادى:

«ماجىلىستە، اسىرەسە سەناتتا، ومىرلىك تاجىريبەسى بار، ءجونىن بىلەتىن ادامدار بولۋى كەرەك. ءبىزدىڭ سۋديالار 35 جاستان باستاپ سايلاندى، بۇل ەۋروپالىق تاجىريبە. ءبىزدىڭ نەگە 29 جاسقا توقتالىپ قالعانىمىز بەلگىسىز. ەشقانداي قيىن سەبەپتەر جوق، ءبىز تۇجىرىمدامالى قاراۋىمىز كەرەك. ەرتەڭ ماجىلىستەگى 29 جاستاعى بالا تۇرعىندارمەن كەزدەسۋدى باستايدى. مەن حالىقپەن كەزدەستىم، قانداي سۇراقتار قويىلاتىنىن بىلەمىن، مەن ول كەزدە 60 جاستا ەدىم، كەيبىر سۇراقتارعا جاۋاپ بەرە المادىم، ال 29 جاستا ول ءالى ءومىر كورمەگەن. ءبىز زاڭ شىعارۋشى ورگاندى بالاباقشاعا اينالدىرماۋىمىز كەرەك»، - دەدى قوعامدىق كەڭەستىڭ ءتوراعاسى.

ونى قوعام قايراتكەرى مۇرات ابەنوۆ تە قوستاعان. ءتىپتى، ول 29 جاسقا تولماعاندار ءۇشىن كۆوتالار ءتيىمسىز بولادى دەپ سانايتىنىن جەتكىزگەن.

«ءقازىر ولار 27 جاسىندا وقۋدى اياقتايدى، ولار بۇرىنعىدان قاراعاندا ءتورت جىل كەيىن وتباسىن قۇرادى. ەر ادامدار 28-29 جاستا ۇيلەنەدى، ايەلدەر 24 جاستا ۇيلەنەدى. ولار ءومىر تاجىريبەسىن ءالى بىلمەيتىن شىعار، مۇمكىن پارلامەنت ءۇشىن (ۇسىنىلعان تۇزەتۋلەر اياسىندا كۆوتا ەنگىزۋ اياسىندا) ) پارتيالاردى تاجىريبەسى جوق ادامداردى تىزىمگە ەنگىزۋگە ءماجبۇر ەتپەۋ ءۇشىن 35 جاستى انىقتاۋ كەرەك شىعار»، - دەيدى م.ابەنوۆ.

وسى رەتتە، ادىلەت مينيسترلىگى زاڭ شىعارۋ دەپارتامەنتى ديرەكتورى ولجاس دانابەكوۆ قوعامدىق كەڭەس مۇشەلەرىنىڭ ۇسىنىستارى ون جۇمىس كۇنى ىشىندە قارالاتىندىعىن ايتتى.

«مەملەكەتتىك جاستار ساياساتى تۋرالى زاڭعا سايكەس، مەن 29 جاسقا تولماعانداردى جاستار دەپ سانايمىن. ءبىز ازاماتتاردىڭ وسى ساناتىنا دەپۋتات بولىپ سايلانۋ مۇمكىندىگىن بەرەمىز. ءبىز ءار پارتيا سايلاۋعا دەيىن جاسايتىن سايلاۋ تىزىمدەرى تۋرالى سويلەسەمىز. سايلاۋ تۋرالى زاڭعا سايكەس ءبىز مانداتتاردى دەربەس تاراتامىز. مانداتتاردى سايلاۋ تىزىمىنە ءبولۋ ماسەلەسى پارتيانىڭ قاراۋىنا قالدى»، - دەدى ول.

"پارتيا" دەمەكشى، وسىعان دەيىن پرەزيدەنت قاسىم-جومارت توقايەۆ قازاقستاندا ساياسي پارتيا قۇرۋ جانە تىركەۋدى جەڭىلدەتۋ تۋرالى ناقتى تاپسىرما بەرگەن بولاتىن. سونىمەن بىرگە، بىلتىر جەلتوقسانىندا پارتيالىق تىزىمدەردە ايەلدەر مەن جاستارعا مىندەتتى 30% كۆوتا بەرۋ جانە ساياسي پارتيالار قۇرۋ ءۇشىن تىركەۋ كەدەرگىسىن 40 مىڭنان 20 مىڭ ادامعا دەيىن تومەندەتۋ قاجەت دەپ تە مالىمدەگەن ەدى.

تاقىرىپقا تۇزدىق: قازاقستاندا ساياسي پارتيا قۇرۋ جانە تىركەۋ جەڭىلدەتىلەدى