تالدىقورعان كولىك پروكۋراتۋراسىنىڭ اعا پروكۋرورى 30 مىڭ دوللار پارا الدى دەگەن كۇدىكپەن ۇستالدى. بۇل تۋرالى سىبايلاس جەمقورلىققا قارسى ءىس-قيمىل اگەنتتىگىنىڭ تەرگەۋشىسى قايسار بارجاقسىنوۆ ايتتى.
– الماتى وبلىسىنىڭ سىبايلاس جەمقورلىققا قارسى قىزمەتى قازاقستان باس پروكۋراتۋراسىنىڭ ىشكى تەرگەۋ دەپارتامەنتى قىزمەتكەرلەرىمەن بىرلەسىپ، ارنايى جەدەل-ىزدەستىرۋ ءىس-شارالارى مەن جاسىرىن تەرگەۋ ارەكەتتەرىن جۇرگىزۋ كەزىندە تالدىقورعان كولىك پروكۋراتۋراسىنىڭ اعا پروكۋرورىن، الماتى وبلىسى ەكونوميكالىق تەرگەۋ دەپارتامەنتىنىڭ اعا تەرگەۋشىسىن جانە وبلىستىق مەملەكەتتىك كىرىستەر دەپارتامەنتىنىڭ باس مامانىن الدىن الا ءسوز بايلاسۋ ارقىلى ءىرى مولشەردە پارا الۋ فاكتىسى بويىنشا اشكەرەلەدى، – دەدى بارجاقسىنوۆ.
ونىڭ ايتۋىنشا، ولار ج ش س ديرەكتورىنان ەكونوميكالىق كونتراباندا فاكتىسى بويىنشا وعان قاتىستى تىركەلگەن قىلمىستىق ءىستى توقتاتقانى ءۇشىن 30 مىڭ اقش دوللارى كولەمىندە پارا الدى دەگەن كۇدىككە ءىلىنىپ وتىر.
- – كۇدىكتىلەر ق ر قىلمىستىق-پروسەستىك كودەكسى 128-بابىمەن ۇستالىپ، تالدىقورعان قالاسىنىڭ ۋاقىتشا ۇستاۋ يزولياتورىنا قامالدى. قازىرگى ۋاقىتتا سوتقا دەيىنگى تەرگەۋ جۇرگىزىلۋدە. ق ر قكپ 201-بابىنا سايكەس، تەرگەۋ مۇددەسىنە وراي باسقا مالىمەتتەر جاريالانبايدى، – دەدى اگەنتتىك تەرگەۋشىسى.
پىكىر قالدىرۋ