بۇل تۋرالى ەرالى توعجانوۆ ۇكىمەت ۇيىندەگى بريفينگ بارىسىندا ايتتى،دەپ حابارلايدى Qamshy.kz اقپارات اگەنتتىگى. 

جيىندا اۋەلى ول ۇكىمەت وتىرىسىندا مەشىتتەر، ساۋدا ورتالىقتارى سىندى كوپ ادام جينالاتىن جەرلەردە كوروناۆيرۋستان الدىن الۋ شارالارىن، تازالىق ساقتاۋ، دەزينفەكسيا ماسەلەلەرىن قولعا الۋ تۋرالى ناقتى تاپسىرمالار بەرىلگەنىن ايتا كەلىپ: 

"مەشىتتەرگە ايتىلعان ۇسىنىس بويىنشا باس يمامداردىڭ وزدەرى شەشىم قابىلداۋى كەرەك. اشىعىن ايتقاندا، اللانىڭ الدىندا نيەت قىلۋ مەشىتتەردە عانا ەمەس، ءاربىر ازامات ۇيىندە دە نەمەسە ءوزىڭىز ايتقانداي اشىق اسپان استىندا دا نيەت قىلا الادى. بۇل – ءاربىر ازاماتتىڭ ءوز قۇقىعى. دەگەنمەن، ادام كوپ جينالاتىن جەرلەردە بۇل ماسەلەنى ەسكەرۋىمىز كەرەك"، - دەدى ول.

پرەمەر-مينيسترىنىڭ ورىنباسارى بۇل رەتتە ساقتىق تۋرالى ويىن وڭتۇستىك كورەياداعى جاعدايمەن بايلانىستىرا جەتكىزدى:

"وڭتۇستىك كورەياداعى كوروناۆيرۋستىڭ تاراۋىنا ءدىني ورىندار دا ىقپال ەتتى. سونى دا ەسكەرۋىمىز قاجەت جانە ازاماتتاردى ساقتاندىرۋعا ءتيىسپىز»، - دەدى.